ប្រធានទីភ្នាក់ងារសារព័ត៌មានIRNA អ៊ីរ៉ង់ថ្លែងថា ប្រព័ន្ធសារព័ត៌មានទ្វីបអាស៊ីគប្បីពួតដៃគ្នាដើម្បីបង្កើតបរិយាកាសសមភាពសម្រាប់ការផ្លាស់ប្តូរព័ត៌មានរវាងប្រព័ន្ធសារព័ត៌មានអន្តរជាតិ

ថ្ងៃទី៩ខែមេសា លោក Seyed Zia Hashemi ប្រធានទីភ្នាក់ងារសារព័ត៌មានIRNA របស់អ៊ីរ៉ង់បានថ្លែងនៅក្រុងសានយ៉ា ខេត្តហៃណានថា ប្រព័ន្ធសារព័ត៌មានទ្វីបអាស៊ីគប្បីពួតដៃគ្នាដើម្បីបង្កើតបរិយាកាសសមភាពសម្រាប់ការផ្លាស់ប្តូរព័ត៌មានរវាងប្រព័ន្ធសារព័ត៌មានអន្តរជាតិ ។

លោក Seyed Zia Hashemi បានថ្លែងក្នុងអនុវេទិកាទីពីរនៃសន្និសីទកំពូលស្តីពីប្រព័ន្ធសារព័ត៌មានអាស៊ីដែលបើកធ្វើនៅថ្ងៃដដែលនោះថា ប្រព័ន្ធសារព័ត៌មានបានដើរតួនាទីសំខាន់ក្នុងវិស័យជំរុញសន្តិភាព ការប្រឆាំងនឹងសង្គ្រាម ការឈ្លានពាន ភេរវនិយមនិងជ្រុលនិយម ព្រមទាំងជំរុញការផ្លាស់ប្តូរវប្បធម៌មនុស្សជាតិរវាងបណ្តាប្រទេសនានាជាដើម ។

លោក Seyed Zia Hashemi ក៏បានលើកសំណើអំពីកិច្ចសហប្រតិបត្តិការរវាងប្រព័ន្ធសារព័ត៌មានអាស៊ី ដែលផ្តួចផ្តើមឲ្យឆ្លងតាមការគ្រោងផែនការនិងកិច្ចសហប្រតិបត្តិការដ៏សមរម្យ ទៅបង្កើតបរិយាកាសសមភាពសម្រាប់ការផ្លាស់ប្តូរព័ត៌មានរវាងប្រព័ន្ធសារព័ត៌មានអន្តរជាតិ ។