ថ្លែងក្នុងសន្និសីទប្រចាំឆ្នាំនៃវេទិកាអាស៊ីក្រុងប៉អៅដែលបើកធ្វើនៅថ្ងៃទី ១០ ខែមេសា លោកស៊ី ជីនភីង ប្រធានរដ្ឋចិនបានលើកឡើងថា ការបង្កើនការការពារកម្មសិទ្ធិបញ្ញាជាការលើកទឹកចិត្តខ្លាំងបំផុតសម្រាប់លើកកម្ពស់សមត្ថភាពប្រកួតប្រជែងរបស់ប្រទេសចិន ។ ឆ្នាំ ២០១៨ នេះ ប្រទេសចិននឹងរៀបចំចាត់តាំងជាថ្មីនូវនាយកដ្ឋានជាតិកម្មសិទ្ធិបញ្ញា ក្នុងន័យពង្រឹងសមត្ថភាពអនុវត្តច្បាប់ឲ្យបានកាន់តែល្អពេញលេញ និងបង្កើនកម្លាំងអនុវត្តច្បាប់ ។ លោកបានសង្កត់ធ្ងន់ថា ប្រទេសចិនលើកទឹកចិត្តសហគ្រាសទាំងជាតិនិងអន្តរជាតិឲ្យធ្វើការផ្លាស់ប្តូរនិងកិច្ចសហប្រតិបត្តិការផ្នែកបច្ចេកទេសជាប្រក្រតី និងការពារកម្មសិទ្ធិបញ្ញាស្របច្បាប់របស់សហគ្រាសបរទេសនៅប្រទេសចិន ។ ព្រមពេលជាមួយគ្នា ប្រទេសចិនក៏សង្ឃឹមដែរថា រដ្ឋាភិបាលបរទេសក៏អាចបង្កើនការការពារកម្មសិទ្ធិបញ្ញារបស់ប្រទេសចិនផងដែរ ៕