លោក លីខឺឈាង នាយករដ្ឋមន្ត្រីចិនបានជួបពិភាក្សាការងារជាមួយលោក Antonio Guterres អគ្គលេខាធិការនៃអង្គការសហប្រជាជាតិដែលបានអញ្ជើញទៅបំពេញទស្សនកិច្ចជាផ្លូវការនៅប្រទេសចិននៅសណ្ឋាគាររដ្ឋ Diaoyutai កាលពីរសៀលថៃ្ងទី៨ ខែមេសា។
លោក លីខឺឈាង បានវាយតម្លៃជាវិជ្ជមានចំពោះទំនាក់ទំនងនិងកិច្ចសហប្រតិបត្តិការរវាងចិននិងអង្គការសហប្រជាជាតិ ភាគីចិនគាំទ្រអង្គការសហប្រជាជាតិក្នុងការដើរតួនាទីជាស្នូលក្នុងកិច្ចការអន្ដរជាតិ ហើយក៏នឹងបន្តចូលរួមក្នុងការងារលើគ្រប់វិស័យរបស់អង្គការសហប្រជាជាតិប្រកបក្នុងលក្ខណៈស្ថាបនាជាបន្តទៀតដើម្បីធ្វើកិច្ចខិតខំប្រឹងប្រែងឥតឈប់ឈរក្នុងការជំរុញសន្តិភាពនិងការអភិវឌ្ឍនៃពិភពលោក។
