រសៀលថ្ងៃទី២៣ខែមីនា លោកស៊ីជីនភីងប្រធានរដ្ឋចិនបានទទួលសារតាំងពីឯកអគ្គរដ្ឋទូតចូលកាន់តំណែងថ្មីនៃប្រទេសចំនួន៦ប្រចាំនៅប្រទេសចិននៅក្រុងប៉េកាំង។
ឯកអគ្គរដ្ឋទូតថ្មីទាំង៦រូបនេះគឺឯកអគ្គរដ្ឋទូត ប៉ាហាម៉ា ហុងគ្រី ប៉ូឡុញ អ៊ីស្លង់ អេក្វាទ័រនិងម៉ូសំប៊ិក។
លោកស៊ីជីនភីងបានសំដែងការស្វាគមន៍ ចំពោះឯកអគ្គរដ្ឋទូតគ្រប់រូបដែលបានទៅបំពេញភារកិច្ចនៅប្រទេសចិន។ លោកក៏បានផ្តាំផ្ញើឲ្យឯកអគ្គរដ្ឋទូតទាំង៦រូបពាំនាំនូវការសួរសុខទុក្ខយ៉ាងស្មោះត្រង់និងការជូនពរយ៉ាងល្អប្រសើរចំពោះថ្នាក់ដឹកនាំជាតិនិងប្រជាជននៃប្រទេសពាក់ព័ន្ធផងដែរ រំពឹងថាអង្គទូតគ្រប់រូបនឹងដើរតួនាទីជាស្ពាននិងជាចំណងមិត្តភាព រួមចំណែកយ៉ាងសកម្មដើម្បីបង្កើនចំណងមិត្តភាពរវាងចិនជាមយយបណ្តាប្រទេសនានាក៏ដូចជាជំរុញការអភិវឌ្ឍទំនាក់ទំនងទ្វេភាគី។
អង្គទូតទាំង៦រូបក៏ បានពាំនាំនូវការជូនពរយ៉ាងស្មោះត្រង់និងការសួរសុខទុក្ខយ៉ាងជិតស្និទ្ធរបស់ថ្នាក់ដឹកនាំប្រទេសខ្លួនចំពោះលោកស៊ីជីនភីងដែលបានបន្តអាណត្តិជាប្រធានរដ្ឋចិន និងសម្តែងការអបអរសាទរយ៉ាងកក់ក្តៅចំពោះការបើកធ្វើមហាសន្និបាតនៃសភាទាំងពីររបស់ចិនដោយជោគជ័យ ក៏ដូចជាវាយតម្លៃខ្ពស់ចំពោះសមិទ្ធផលនៃកំណែទម្រង់និងការអភិវឌ្ឍរបស់ប្រទេសចិនទៀតផង ហើយជឿជាក់ថា ទន្ទឹមនឹងពេលសម្រេចការអភិវឌ្ឍរបស់ខ្លួន ប្រទេសចិនក៏នឹងរួមវិភាគទានកាន់តែធំចំពោះការអភិវឌ្ឍ និងភាពរីកចម្រើនរួមនៃពិភពលោកផងដែរ៕