ថ្ងៃទី ២៣ ខែមីនា លោកWang Qishan អនុប្រធានរដ្ឋចិនបានជួបពិភាក្សាការងារជាមួយលោកAlan Peter Cayetano រដ្ឋមន្រ្តីក្រសួងការបរទេសហ្វីលីពិននៅក្រុងប៉េកាំង ។ ក្នុងកិច្ចជំនួប លោកWang Qishan បានថ្លែងថា ក្នុងឆ្នាំថ្មី ប្រទេសចិននិងហ្វីលីពិនគប្បីបន្តធ្វើដំណើរឆ្ពោះទៅរកគោលដៅដូចគ្នា គ្រោងផែនការអភិវឌ្ឍទំនាក់ទំនងរវាងប្រទេសទាំងពីរពីមុំនៃកម្រិតយុទ្ធសាស្រ្តខ្ពស់និងចក្ខុវិស័យវែងឆ្ងាយ អនុវត្តគំនិតឯកភាពរួមរបស់ប្រមុខរដ្ឋនៃប្រទេសទាំងពីរដោយគ្រប់ជ្រុងជ្រោយ បង្កើនការប្រាស្រ័យទាក់ទងជាន់ខ្ពស់ ធ្វើឲ្យមានភាពកាន់តែស៊ីជម្រៅនូវកិច្ចសហប្រតិបត្តិការដ៏ប្រាកដប្រជា ចាត់ចែងនិងដោះស្រាយការខ្វែងគំនិតគ្នាដោយសមរម្យ ក្នុងន័យបង្កើនចំណងមិត្តភាពរវាងប្រជាជននៃប្រទេសទាំងពីរឥតឈប់ឈរ ព្រមនិងរួមគ្នាជំរុញកិច្ចកសាងសហគមន៍រួមវាសនាចិន-អាស៊ានប្រកបដោយភាពកាន់តែស្អិតល្មួតថែមទៀត ។
ជាការឆ្លើយតប លោកAlan Peter Cayetano បានសម្តែងការអបអរយ៉ាងកក់ក្តៅចំពោះប្រទេសចិនដែលបានបើកធ្វើមហាសន្និបាតនៃសភាទាំងពីរដោយជោគជ័យ ហើយនិងថ្លែងទៀតថា ប្រទេសហ្វីលីពិនរីករាយរួមសហការជាមួយប្រទេសចិនក្នុងការជំរុញឲ្យទំនាក់ទំនងរវាងប្រទេសចិននិងហ្វីលីពីនវិវឌ្ឍរីកចម្រើនយ៉ាងស៊ីជម្រៅនិងប្រកបដោយនិរន្តរភាព ៕
