ថ្ងៃទី ២២ ខែមីនា លោក ត្រាំ ប្រធានាធិបតីសហរដ្ឋអាមេរិកបានចុះហត្ថលេខាលើអនុស្សរណៈរបស់ប្រធានាធិបតី ដោយអនុលោមតាមលទ្ធផលនៃការស៊ើបអង្កេតលេខ៣០១ អាមេរិកនឹងតម្លើងពន្ធទ្រង់ទ្រាយធំចំពោះផលិតផលដែលនាំចូលពីប្រទេសចិន ព្រមនិងដាក់កំហិតចំពោះសហគ្រាសចិនដែលបណ្តាក់ទុននិងធ្វើការប្រមូលទិញនៅអាមេរិក ។ មុននឹងចុះហត្ថលេខានៅសេតវិមាន លោកត្រាំបានថ្លែងទៅកាន់ប្រព័ន្ធសារព័ត៌មានថា ទំហំទឹកប្រាក់របស់ផលិតផលចិនដែលត្រូវនឹងតម្លើងពន្ធនោះមានចំនួនជាង ៦ ម៉ឺនលានដុល្លារអាមេរិក ។
អនុលោមតាមអនុស្សរណៈដែលបានចុះហត្ថលេខានៅថ្ងៃដដែល ក្នុងរយៈពេល ១៥ ថ្ងៃខាងមុខ ការិយាល័យពាណិជ្ជកម្មអាមេរិកនឹងធ្វើគម្រោងជាក់ស្តែងអំពីការយកពន្ធដារចំពោះផលិតផលចិន ។ព្រមជាមួយគ្នានេះដែរ ការិយាល័យពាណិជ្ជកម្មអាមេរិកនឹងរៀបចំការចោទប្តឹងប្រទេសចិនទៅកាន់អង្គការពាណិជ្ជកម្មពិភពលោកទៀតផង ៕