ថ្ងៃទី១៨ខែកុម្ភៈជាថ្ងៃទី៣នៃបុណ្យចូលឆ្នាំថ្មីតាមប្រតិទិនច័ន្ទគតិចិន នៅថ្ងៃដដែល នោះ សភាពាណិជ្ជកម្មចិននៃក្រុងឡុងដ៏ប្រទេសអង់គ្លេសបានរៀបចំពិធីអបអរទទួលបុណ្យចូលឆ្នាំថ្មីចិនឆ្នាំចដែលមានទ្រង់ទ្រាយធំជាងគេក្នុងប្រវត្តិសាស្រ្តនៅទីធ្លាTrafalgarដែលបានទាក់ទាញប្រជាជនអងគ្លេស អាណិកជនចិន ជនចិនកាន់សញ្ជាតិអង់គ្លេសនិងអ្នកទេសចរណ៍អន្តរជាតិចំនួនរាប់សឹបម៉ឺននាក់។
លោកលាវសៀវមិញឯកអគ្គរដ្ឋទូតចិនប្រចាំនៅអង់គ្លេសដែលបានអញ្ជើញទៅចូលរួមសកម្មភាពនេះជាលើកទី៨បានថ្លែងថា ពិធីអបអរទទួលបុណ្យចូលឆ្នាំថ្មីចិននៅទីធ្លាTrafalgarបានក្លាយជាសកម្មភាពអបអរបុណ្យចូលឆ្នាំថ្មីចិនដែលមានទ្រង់ទ្រាយធំជាងគេក្នុងតំបន់ក្រៅពីទ្វីបអាស៊ី ហើយកាន់តែក្លាយជាពិធីដែលបន្កវេននៃវប្បធម៌ប្រពៃណីចិន ធ្វើឲ្យអរិយធម៌ខាងកើតនិងខាងលិចរួមបញ្ចូលគ្នានិងរៀនសូត្រគ្នា ក៏ដូចជាពិធីដែលធ្វើឲ្យស៊ីជម្រៅនូវចំណងមិត្តភាពរវាងចិននិងអង់គ្លេសផងដែរ៕