ឆ្លើយតបនឹងឥស្សរជនរបស់អាមេរិក ជប៉ុននិងឥណ្ឌាមួយចំនួនដែលបានសំដែងការព្រួយបារម្ភចំពោះប្រទេសចិនដែលប្រកាន់អកប្បកិរិយាកាន់តែតឹងរឹងនៅក្នុងតំបន់ឥណ្ឌូប៉ាស៊ីហ្វិកនិងលំហសមុទ្រអន្តរជាតិផ្សេងទៀត លោកLuKang អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំនាថ្ងៃទី ១៩ ខែមករាថា នៅលើបញ្ហារបៀបវារៈអន្តរជាតិ ប្រទេសចិនផ្តើមគំនិតអំពីការបង្កើតទំនាក់ទំនងអន្តរជាតិបែបថ្មីមួយដែលគោរពគ្នា មានយុត្តិធម៌ សុច្ចធម៌ កិច្ចសហប្រតិបត្តិការនិងឈ្នះ-ឈ្នះ ។ បើសិនជានិយាយជាសាមញ្ញវិញ ការខិតខំប្រឹងប្រែងដើម្បស្វែងរកបង្កើតទំនាក់ទំនងអន្តរជាតិបែបថ្មីនេះ មិនគួរធ្វើឲ្យប្រទេសនិងឥស្សរជនណាដែលស្នេហាសន្តិភាពនិងស្វែងរកការអភិវឌ្ឍរួមមានការព្រួយបារម្ភឡើយ ។ ដូច្នេះ លោកសង្ឃឹមថា ប្រទេសពាក់ព័ន្ធនានាអាចគិតពិចារណាយ៉ាងត្រឹមត្រូវចំពោះប្រទេសចិនដែលបានដើរតួនាទីជាវិជ្ជមានក្នុងសហគមន៍អន្តរជាតិ ។
 |  |  |  |  |  |
