សន្និសីទពេញអង្គលើកទី ២ នៃមជ្ឈិមបក្សកុម្មុយនិស្តចិននីតិកាលទី ១៩ បានរៀបចំឡើងពីថ្ងៃទី ១៨ ដល់ ទី ១៩ ខែមករា ។ សន្និសីទនេះបានពិគ្រោះពិភាក្សានិងអនុម័តលើសំណើរបស់មជ្ឈិមបក្សកុម្មុយនិស្តចិនអំពីការធ្វើវិសោធនកម្មខ្លឹមសារមួយចំនួននៃរដ្ឋធម្មនុញ្ញ ។
សន្និសីទបានគូសបញ្ជាក់ថា សង្គមនិយមលក្ខណៈពិសេសចិនបានឈានចូលយុគសម័យថ្មី នេះជាទីតាំងប្រវត្តិសាស្ត្រថ្មីនៃការអភិវឌ្ឍប្រទេសចិន ។ អនុលោមតាមសភាពការណ៍ថ្មីនិងភារកិច្ចថ្មីដែលប្រកាន់ខ្ជាប់និងការអភិវឌ្ឍសង្គមនិយមលក្ខណៈពិសេសចិនក្នុងយុគសម័យថ្មី គឺចាំបាច់ធ្វើវិសោធនកម្មដោយសមរម្យចំពោះរដ្ឋធម្មនុញ្ញ ចាត់ទុកសមិទ្ធផលនៃការច្នៃប្រឌិតថ្មីខាងទ្រឹស្តី ខាងការអនុវត្តជាក់ស្តែងនិងខាងរបបដ៏សំខាន់ដែលទទួលបានក្នុងការអនុវត្តជាក់ស្តែងរបស់បក្សនិងប្រជាជនឲ្យកើនឡើងទៅជាការកំណត់នៃរដ្ឋធម្មនុញ្ញ ៕