ការទូទាត់តាមប្រាក់យាន់ចិនក្នុងការធ្វើពាណិជ្ជកម្មរវាងប៉ាគីស្ថាននិងចិននឹងជំរុញដល់ការកសាងរបៀងសេដ្ឋកិច្ចប៉ាគីស្ថាន-ចិន
2018-01-19 15:14:00 cri Web Editor:Deng
តាមព័ត៌មានពីសាខាធនាគារប្រជាជនចិននៅក្រុងUlumuqi បានឲ្យដឹងថា ធនាគារជាតិប៉ាគីស្ថានកាលពីពេលថ្មីៗនេះបានអនុញ្ញាតឲ្យពាណិជ្ជករប្រើប្រាស់ប្រាក់យាន់ចិនក្នុងពេលទូទាត់ក្នុងពេលធ្វើពាណិជ្ជកម្មទ្វេភាគីរវាងចិននិងប៉ាគីស្ថាន។ ធនាគារនោះបានចេញផ្សាយសេចក្តីថ្លែងការណ៍ថា ក្នុងសកម្មភាពពាណិជ្ជកម្មនិងវិនិយោគទុនទ្វេភាគីសម្រាប់សហគ្រាសសាធារណៈនិងឯកជនរវាងប្រទេសទាំងពីរប៉ាគីស្ថាននិងចិន អាចជ្រើសរើសដោយសេរីថាតើប្រើប្រាស់ប្រាក់យាន់ចិនដើម្បីធ្វើការទូទាត់ឬអត់។ អ្នកជំនាញការបានវិភាគថា នេះនឹងជះឥទ្ធិពលវិជ្ជមានក្នុងការជំរុញការកសាងរបៀងសេដ្ឋកិច្ចប៉ាគីស្ថាននិងចិន ក៏ដូចជាក្នុងការជំរុញដល់កំណើនពាណិជ្ជកម្មអន្តរជាតិនៃភូមិភាគស្វយ័តXinjiangប្រទេសចិន៕
