អ៊ីរ៉ង់ថ្លែងអំណរគុណជាផ្លូវការចំពោះប្រទេសចិនជុំវិញការងារជួយសង្គ្រោះរបស់ចិនក្នុងហេតុការណ៍នាវាដឹកប្រេងសញ្ញាSANCHI

កាលពីថ្ងៃទី១៧ខែមករា លោក Rubaieរដ្ឋមន្ត្រីក្រសួងពលកម្មកិច្ចសហប្រតិបត្តិការនិងសុខុមាលភាពសង្គមអ៊ីរ៉ង់បានផ្ញើលិខិតថ្លែងអំណរគុណដែលមានហត្ថលេខារបស់លោកជូនទៅឯកអគ្គរដ្ឋទូតចិនប្រចាំនៅអ៊ីរ៉ង់ជុំវិញហេតុការណ៍នាវាដឹកប្រេងសញ្ញាSANCHI។ក្នុងលិខិតលោក Rubaieបានថ្លែងថា ភាគីចិនបានធ្វើការខិតខំដ៏ធំធេងក្នុងការងាររុករកនិងជួយសង្គ្រោះសមាជិកនាវានិងប្រយុទនឹងអគ្គិភ័យ ខ្ញុំក្នុងនាមជាតំណាងរបស់ប្រធានាធិបតីអ៊ីរ៉ង់និងជាប្រធាននៃគណៈកម្មាធិការស៊ើបអង្កេតហេតុការណ៍នាវាដឹកប្រេងសញ្ញាSANCHIរបស់ភាគីអ៊ីរ៉ង់ និងតំណាងរដ្ឋាភិបាលនិងប្រជាជនអ៊ីរ៉ង់ សូមថ្លែងអំណរគុណយ៉ាងស្មោះត្រង់បំផុតចំពោះរដ្ឋាភិបាលនិងប្រជាជនចិន ជាពិសេសសូមថ្លែងអំណរគុណចំពោះបុគ្គលិកភាគីចិនដែលចូលរួមក្នុងការងារជួយសង្គ្រោះដោយអស់ពីសមត្ថភាពហ៊ានប្រថុយជីវិត មិនគិតពីឧស្ម័នបំពុលនិងការគំរាមកំហែងពីការបំផ្ទុះ។