កាលពីយប់ថ្ងៃទី ១៧ ខែមករា សភាពាណិជ្ជកម្មចិនប្រចាំនៅអាមេរិកបានប្រារព្ធធ្វើពិធីជប់លៀងសប្បុរសអបអរឆ្នាំថ្មីចិនឆ្នាំ ២០១៨ នៅក្រុងញូវយ៉ក ។ ឥស្សរជនល្បីឈ្មោះជាង ៤៥០ នាក់នៃមជ្ឈដ្ឋាននយោបាយនិងមជ្ឈដ្ឋានពាណិជ្ជកម្មចិននិងអាមេរិកបានអញ្ជើញចូលរួមពិធីជប់លៀងនេះ ។
ពេលថ្លែងសុន្ទរកថាក្នុងពិធីជប់លៀង លោកCuiTiankai ឯកអគ្គរដ្ឋទូតចិនប្រចាំនៅអាមេរិកបានថ្លែងថា បច្ចុប្បន្ន ភាគីទាំងពីរចិននិងអាមេរិកប្រឈមនឹងឱកាសថ្មីនិងការប្រកួតប្រជែងថ្មី ។ ប្រទេសចិននិងអាមេរិកគួរតែយកការអភិវឌ្ឍរយៈពេល ៤០ ឆ្នាំកន្លងទៅជាមូលដ្ឋាន ប្រកាន់ខ្ជាប់ទិសដៅត្រឹមត្រូវជានិរន្តន៍ បង្កើតទំនាក់ទំនងទ្វេភាគីកាន់តែរឹងមាំ ដើម្បីផ្តល់ផលប្រយោជន៍ដល់ប្រជាជននៃប្រទេសទាំងពីរនិងពិភពលោក ៕