ក្នុងឱកាសខួប ២ ឆ្នាំនៃការអនុវត្តកិច្ចព្រមព្រៀងគ្រប់ជ្រុងជ្រោយអំពីបញ្ហានុយក្លេអ៊ែរអ៊ីរ៉ង់ លោកអគ្គលេខាធិការអង្គការសហប្រជាជាតិបានចេញផ្សាយសេចក្តីថ្លែងការណ៍តាមរយៈអ្នកនាំពាក្យរបស់ខ្លួនកាលពីថ្ងៃទី ១៧ ខែមករា ដោយបានអំពាវនាវឲ្យគាំពារកិច្ចព្រមព្រៀងនេះ ។
សេចក្តីថ្លែងការណ៍បានឲ្យដឹងថា លោកអគ្គលេខាធិការជឿជាក់ថាកិច្ចព្រមព្រៀងនុយក្លេអ៊ែរជាវិធីល្អបំផុតដែលធានាជាក់លាក់នូវផែនការនុយក្លេអ៊ែរអ៊ីរ៉ង់ដែលប្រើប្រាស់ក្នុងគោលបំណងសន្តិភាព គឺជាសមិទ្ធផលសំខាន់នៃការមិនរីកសាយភាយនុយក្លេអ៊ែរនិងវិស័យការទូត បានរួមចំណែកដើម្បីសន្តិភាពនិងសន្តិសុខតំបន់និងអន្តរជាតិ ៕