ថ្ងៃទី១៦ខែមករានៅក្រុងប៉េកាំង លោក Yang Jiechi សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិននិងទីប្រឹក្សាកិច្ចការរដ្ឋចិនបានជួបសន្ទនាជាមួយគណៈប្រតិភូសមាជិករដ្ឋសភាកូរ៉េខាងត្បូងដែលដឹកនាំដោយលោក Park Byung-seok សមាជិករដ្ឋសភាជាប្រធានគណៈប្រតិភូ ។
លោក Yang Jiechi បានថ្លែងថា ភាគីទាំងពីរចិននិងកូរ៉េខាងត្បូងត្រូវតែរួមគ្នាអនុវត្តឲ្យបានជាក់ស្តែងនូវមតិឯកភាពគ្នាដ៏សំខាន់របស់លោកប្រធានរដ្ឋចិនស៊ីជីនភីងនិងលោកប្រធានាធិបតីកូរ៉េខាងត្បូង Moon Jae-in ជំរុញទំនាក់ទំនងចិននិងកូរ៉េខាងត្បូងឲ្យបន្តរីកចម្រើនបន្ថែមទៀត ។ ភាគីចិនគាំទ្រភាគីទាំងពីរកូរ៉េខាងជើងនិងកូរ៉េខាងត្បូងកែលម្អទំនាក់ទំនង ហើយនឹងបន្តខិតខំប្រឹងប្រែងជាវិជ្ជមានដើម្បីបន្តដោះស្រាយបញ្ហាឧបទ្វីបកូរ៉េតាមរយៈការនិយាយឆ្លើយឆ្លងគ្នានិងការពិគ្រោះពិភាក្សាផងដែរ ។
