ពេលបញ្ចប់ដំណើរទស្សនកិច្ចនៅប្រទេសអាហ្វ្រិកចំនួន ៤ កាលពីថ្ងៃទី ១៦ ខែមករា តាមម៉ោងតំបន់ លោក WangYi រដ្ឋមន្ត្រីការបរទេសចិនបានធ្វើការឧទ្ទេសនាមទៅកាន់ប្រព័ន្ធសារព័ត៌មានជុំវិញដំណើរទស្សនកិច្ចលើកនេះ ។
លោក WangYi បានថ្លែងថា មិនថាប្រទេសចិនបានរីកចម្រើនដល់កម្រិតណាក្តី ជានិច្ចកាល យើងខ្ញុំនឹងបន្តចាត់ទុកប្រទេសចិនជាប្រទេសកំពុងអភិវឌ្ឍន៍ ប្រទេសចិននិងប្រទេសអាហ្វ្រិកអាចក្លាយជាដៃគូសហប្រតិបត្តិការដែលជឿទុកចិត្តគ្នានិងមានភាពស្មោះត្រង់ លើផ្នែកសេដ្ឋកិច្ចនិងនយោបាយ ។
លោកជឿជាក់ថា ឆ្លងតាមរយៈកិច្ចខិតខំប្រឹងប្រែងទ្វេភាគី សន្និសីទកំពូលប៉េកាំងនៃវេទិកាសហប្រតិបត្តិការចិន-អាហ្វ្រិកឆ្នាំ២០១៨មុខជានឹងក្លាយជាសន្និសីទមួយលើកទៀតដែលប្រកបដោយលក្ខណៈប្រវត្តិសាស្ត្រ ប្រទេសចិននិងអាហ្វ្រិកច្បាស់ជានឹងក្លាយជាដៃគូសហប្រតិបត្តិការជិតស្និទ្ធិថែមទៀតក្នុងដំណើររួមគ្នាកសាង"ខ្សែក្រវាត់មួយនិងផ្លូវមួយ " ។
