លោកវ៉ាងយី រដ្ឋមន្រ្តីក្រសួងការបរទេសចិននឹងអញ្ជើញចូលរួមសន្និសីទថ្នាក់រដ្ឋមន្រ្តីលើកទី២នៃវេទិការវាងចិននិងបណ្តាប្រទេសអាមេរិកឡាទីន ភាគីចិនរំពឹងថា នឹងជំរុញទំនាក់ទំនងដៃគូកិច្ចសហប្រតិបត្តិការគ្រប់ជ្រុងជ្រោយរវាងចិននិងអាមេរិកឡាទីនឲ្យឈានទៅដល់កម្រិតកាន់តែខ្ពស់

លោកលូខាង អ្នកនាំពាក្យក្រសួងការបរទេសចិនបានប្រកាសក្នុងសន្និសីទសារព័ត៌មានជាប្រចាំនៅក្រុងប៉េកាំងកាលពីថៃ្ងទី១៦ ខែមករាថា សន្និសីទថ្នាក់រដ្ឋមន្រ្តីលើកទី២នៃវេទិកាសហគមន៍រវាងចិននិងបណ្តាប្រទេសអាមេរិកឡាទីននិងការ៉ីបប៊ីននឹងបា្ររព្ធឡើងចាប់ពីថៃ្ងទី១៩ ដល់ថៃ្ងទី២២ ខែមករាខាងមុខនេះនៅក្រុងសាន់ត្យាហ្គោប្រទេសស៊ីលី លោកវ៉ាងយី រដ្ឋមន្រ្តីក្រសួងការបរទេសចិននឹងអញ្ជើញដឹកនាំគណៈប្រតិភូចូលរួមសន្និសីទលើកនេះ៕