លោក Jin Liqun ប្រធានធនាគារវិនិយោគហេដ្ឋារចនាសម្ព័ន្ធអាស៊ី(ដែលហៅកាត់ថា AIIB ) និងជាប្រធានក្រុមប្រឹក្សាភិបាលនៃធនាគារនេះបានសង្កត់ធ្ងន់ក្នុងវេទិកាហិរញ្ញវត្ថុទ្វីបអាស៊ីនៅក្រុងហុងកុងនាថ្ងៃទី ១៥ ខែមករាថា ធនាគារ AIIB មិនមែនធនាគាររបស់ប្រទេសចិនទេ គឺជាស្ថាប័នហិរញ្ញវត្ថុពហុភាគីមួយ។
លោកបានបន្ថែមទៀតថា ការបង្កើតធនាគារ AIIB គឺក្នុងបំណងប្រើប្រាស់សម្រាប់ជួយទ្រទ្រង់ធនាគារពិភពលោកនិងស្ថាប័នហិរញ្ញវត្ថុពិភពលោកផ្សេងទៀត។ ធនាគារ AIIB នឹងសកម្មចូលរួមក្នុងការជួយប្រមូលវិនិយោគទុនដើម្បីកសាងហេដ្ឋារចនាសម្ព័ន្ធតាមបណ្តោយប្រទេស "ខ្សែក្រវាត់មួយនិងផ្លូវមួយ" មិនមែនបណ្តាក់ទុនដោយខ្វះការគិតគូទេ គឺគោរពគោលការណ៍ដែលសមស្របនឹងតម្រូវការចំនួនបី គឺ អាចផ្តល់ផលប្រយោជន៍ដល់ការអភិវឌ្ឍជានិរន្តរភាពខាងហិរញ្ញវត្ថុផង ការពារបរិស្ថានផង និងផ្តល់ប្រយោជន៍ផ្ទាល់ដល់ប្រជាជននៅនឹងកន្លែងតែម្តង៕