លោកវ៉ាងយី រដ្ឋមន្រ្តីក្រសួងការបរទេសចិនជួបសន្ទនាការងារជាមួយលោកAli Ben Bongoប្រធានាធិបតីហ្គាបុង

ថៃ្ងទី១៥ ខែមករា ឆ្នាំ២០១៨ តាមម៉ោងតំបន់ នៅក្រុងលីបវីល លោកAli Ben Bongoប្រធានាធិបតីហ្គាបុងបានជួបសន្ទនាការងារជាមួយលោកវ៉ាងយី រដ្ឋមន្រ្តីក្រសួងការបរទេសចិននៅទីស្តីការប្រធានាធិបតី។

លោក Ali Ben Bongoបានថែ្លងថា ប្រទេសហ្គាបុងមានសក្តានុពលផែ្នកសេដ្ឋកិច្ចដ៏ធំធេង ភាគីហ្គាបុងរំពឹងថា ប្រទេសចិនអាចនឹងធ្វើជាដៃគូដែលគួរឲ្យទុកចិត្តបំផុតរបស់ភាគីហ្គាបុងដើម្បីបន្តគាំទ្រជាបន្តទៀតព្រមទាំងសកម្មចូលរួមដំណើរការអភិវឌ្ឍជាតិកាន់តែច្រើន ហើយធ្វើកិច្ចសហប្រតិបត្តិការគ្រប់ជ្រុងជ្រោយដែលផ្តល់ផលប្រយោជន៍ដល់គ្នាទៅវិញទៅមកដូចជាលើវិស័យរ៉ែ នេសាទនិងកសិកម្មជាដើម។

លោកវ៉ាងយីបានថែ្លងថា ភាគីចិនរីករាយរួមសហការជាមួយភាគីហ្គាបុងលើវិស័យអាទិភាពព្រមទាំងផ្តល់ការគាំទ្រជាចាំបាច់ ជាមួយគ្នានេះ ភាគីចិនគាំទ្រភាគីហ្គាបុងក្នុងការដើរតួនាទីយ៉ាងវិជ្ជមានលើកិច្ចការតំបន់អាហ្រ្វិកទៀតផង។ភាគីចិនរីករាយធ្វើការសម្របសម្រួលយ៉ាងជិតស្និទ្ធជាមួយភាគីហ្គាបុងដើម្បីធ្វើឲ្យបានល្អនូវសន្និសីទកំពូលក្រុងប៉េកាំងនៃវេទិកាកិច្ចសហប្រតិបត្តិការរវាងចិននិងអាហ្រ្វិកដើម្បីត្រួសត្រាយអនាគតទូលំទូលាយថ្មីចំពោះទំនាក់ទំនងដៃគូកិច្ចសហប្រតិបត្តិការយុទ្ធសាស្រ្តគ្រប់ជ្រុងជ្រោយរវាងចិននិងហ្គាបុងឆ្លងតាមការកសាងគំនិតផ្តួចផ្តើមខែ្សក្រវាត់មួយនិងផ្លូវមួយ៕