ថ្ងៃទី ៨ ខែសីហា ឆ្នាំ ២០១៧ គឺជាថ្ងៃរំលឹកខួបអនុស្សាវរីយ៍ទី ៥០នៃការបង្កើតសមាគមអាស៊ាន ។ នៅថ្ងៃដដែល ថ្នាក់ដឹកនាំនៃប្រទេសអាស៊ានបានធ្វើពិធីអបអរសាទរខួបទី៥០នៃសមាគមអាស៊ាននៅក្រុងម៉ានីលរដ្ឋធានីប្រទេសហ្វីលីពីនដែលជាប្រទេសជាប្រធានផ្លាស់វេនរបស់អាស៊ាន ព្រមទាំងបានចេញសេចកី្តប្រកាសថា ខួបទី ៥០នៃការបង្កើតសមាគមអាស៊ានគឺជាខណៈពេលដែលប្រកបដោយលក្ខណៈប្រវតិ្តសាស្ត្រដែលបានបង្ហាញឲ្យឃើញនូវភាពជោគជ័យនៃការបង្កើតសហគមន៍អាស៊ាន ។ យើងជឿជាក់ថា ក្នុងឋានៈជាសហគមន៍មួយ យើងមានសមត្ថភាពទប់ទល់នឹងការសាកល្បងនិងការប្រកួតប្រជែងនៅពេលអនាគតដោយលើមូលដ្ឋាននៃសមិទ្ធផលកន្លងទៅ ។ ៥០ ឆ្នាំកន្លងទៅនេះ អាស៊ានបានរីកចម្រើននិងខ្លាំងក្លាឥតឈប់ឈរ បច្ចុប្បន្ននេះមានចំនួនប្រជាជនសរុបប្រមាណ៦៤០ លាននាក់ ទំហំសេដ្ឋកិច្ចជិតដល់ ២,៦ ទ្រីលានដុល្លារអាមេរិក ៕