កូនប្រុសស្រីរបស់លោកលីក្វាងយូអតីតទីប្រឹក្សារដ្ឋរបស់ប្រទេសសិង្ហបុរីប្រកាសជាសាធារណៈនូវទំនាស់ក្នុងក្រុមគ្រួសារ ធ្វើឲ្យសង្គមសង្ហបុរីមានការភ្ញាក់ផ្អើរយ៉ាងខ្លាំង

ថ្ងៃទី១៤ខែមិថុនាឆ្នាំ២០១៧ លោកស្រីLee Wei LingនិងលោកLee Hsien Yangដែលជាកូនស្រីនិងកូនប្រុសទី២របស់លោក Lee Kuan Yewអតីតនាយករដ្ឋមន្រ្តីសិង្ហបុរីបានចេញសេចក្តីថ្លែងការណ៍រួមតាមរយៈបណ្តាញទំនាក់ទំនងសង្គមFacebookដោយស្តីបន្ទោសជាសាធារណៈចំពោះលោកLee Hsien Loongជាបងប្រុសនិងជានាយករដ្ឋមន្រ្តីសិង្ហបុរីបច្ចុប្បន្នថាបានប្រព្រឹត្តិល្មើសនឹងបណ្តាំចុងក្រោយរបស់ឪពុកខ្លួនក្នុងការចាត់ចែងអតីតលំនៅដ្ឋានរបស់ លោក Lee Kuan Yewនិងទុកកេរមរតកជារបស់ផ្ទាល់ខ្លួន។លោកLee Hsien Loongបានចេញមុខបដិសេធចំពោះរឿងនេះ ព្រមទាំងបានសម្តែងការសោកស្តាយនិងមានការអស់សង្ឃឹមចំពោះទង្វើរបស់ប្អូនប្រុសស្រីដែលបានប្រកាសជាសាធារណៈនូវទំនាស់ក្នុងក្រុមគ្រួសារ។ហេតុការណ៍មួយនេះបាននាំឲ្យប្រព័ន្ធសារព័ត៌មាននិងប្រជាជនសិង្ហបុរីផ្តោតការយកចិត្តទុកដាក់យ៉ាងខ្លាំង។នៅថ្ងៃទី១៩ខែមិថុនា លោកLee Hsien Loongបានចេញមុខធ្វើការសុំអភ័យទោសចំពោះហេតុការណ៍នេះដែលនាំមកនូវផលប៉ះពាល់ដល់ប្រជាជននិងកិត្តិយសជាតិ ព្រមទាំងសន្យាថា លោកនិងគណៈរដ្ឋមន្រ្តីមិនរងឥទ្ធិពលពីរឿងនេះសម្រាប់ដោះស្រាយកិច្ចការរដ្ឋនោះទេ៕