ថ្ងៃទី ២៣ ខែវិច្ឆិកា ឆ្នាំ ២០១៧ ក្រសួងការបរទេសមីយ៉ានម៉ាបានចេញសេចក្តីថ្លែងការណ៍មួយថា នៅថ្ងៃដដែល មីយ៉ានម៉ានិងបង់ក្លាដែសបានចុះហត្ថលេខាលើកិច្ចព្រមព្រៀងស្តីពីការជំរុញឲ្យប្រជាពលរដ្ឋនៃខេត្ត Rakhine ដែលបានចាកចេញពីព្រំដែនមីយ៉ាន់ម៉ាត្រឡប់ទៅស្រុកកំណើតវិញ។ ខ្លឹមសារនៃកិច្ចព្រមព្រៀងបូករួមទាំងគោលការណ៍ណែនាំនិងការចាត់ចែងខាងគោលនយោបាយដើម្បីសម្គាល់អត្តសញ្ញាណនិងទទួលយកប្រជាពលរដ្ឋនៃខេត្ត Rakhine ដែលបានចាកចេញពីព្រំដែន។ សេចក្តីថ្លែងការណ៍បានឲ្យដឹងទៀតថា គោលជំហររបស់មីយ៉ាន់ម៉ាគឺ បញ្ហារវាងប្រទេសជិតខាង ចាំបាច់ត្រូវដោះស្រាយតាមរយៈការពិគ្រោះពិភាក្សាដោយមេត្រីភាពរវាងភាគីទាំងពីរ កិច្ចព្រមព្រៀងនេះ គឺឈរលើមូលដ្ឋាននៃទំនាក់ទំនងមិត្តភាពរវាងប្រទេសទាំងពីរ បានបង្ហាញនូវជំហរដ៏មុតមាំរបស់មីយ៉ាន់ម៉ា ដែលនិយាយចំពោះប្រទេសទាំងពីរ នេះគឺជាសភាពការណ៍ឈ្នះ-ឈ្នះ។ គួររំលឹកថា កាលពីថ្ងៃទី ២៥ ខែសីហា ឆ្នាំ ២០១៧ "កងកម្លាំងArakan Rohingya(ARSA)" បានធ្វើការវាយប្រហារទៅលើបុស្តិ៍ប៉ូលីសចំនួន ៣០ កន្លែងស្ថិតនៅភាគខាងជើងរដ្ឋ Rakhine បន្ទាប់មក កងកម្លាំងសន្តិភាពមីយ៉ាន់ម៉ាបានបើកយុទ្ធនាការវាយបង្ក្រាបនិងបោសសម្អាតកម្លាំងជ្រុលនយម ដែលបានបណ្តាលឲ្យមនុស្សរាប់រយនាក់ស្លាប់ និងជាង ៣ ម៉ឺននាក់បាត់បង់ទីជម្រក បន្ទាប់មក មានជនជាតិRohingya ជាច្រើនបានរត់ឆ្លងដែលចូលទៅក្នុងប្រទេសបង់ក្លាដែស ។ ទាក់ទិននឹងរឿងនេះ អង្គការសហប្រជាជាតិបានចេញសេចក្តីថ្លែងការណ៍អំពីវិបត្តិមនុស្សធម៌នៅមីយ៉ាន់ម៉ាជាលើកទីមួយក្នុងអំឡុងពេល ៩ ឆ្នាំកន្លងទៅនេះ៕