ថ្ងៃទី១៦ខែធ្នូ លោកស្រីលាវយ៊ានទុងឧបនាយករដ្ឋមន្រ្តីចិនបានអញ្ជើញចូលរួមពិធីចាប់ដំណើរការរដូវព្រិលទឹកកកមហាជនទូទាំងប្រទេសចិនលើកទី៤ដែលបានបើកធ្វើនៅក្រុងShiJiazhuangនៃប្រទេសចិន។
ការបើកធ្វើរដូវព្រិលទឹកកកមហាជនទូទាំងប្រទេសចិនលើកទី៤គឺមានគោលបំណងដើម្បីអនុវត្តតម្រូវការរបស់សមាជបក្សកុម្មុយនិស្តចិនលើកទី១៩ស្តីពីការពង្រីកយ៉ាងទូលំទូលាយសកម្មភាពហាត់ប្រាណជាតិ អនុវត្តសេចក្តីបង្គាប់ដ៏សំខាន់របស់លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនស្តីពីការជំរុញប្រជាជន៣រយលាននាក់ឲ្យចូលរួមកីឡាព្រិលទឹកកក ក៏ដូចជាជំរុញប្រតិបត្តិការជាក់ស្តែងសម្រាប់ធ្វើឲ្យក្រុងប៉េកាំង ក្រុងធានជីននិងខេត្តហឺពៃរីកចម្រើនដោយស៊ីសង្វាក់គ្នា ក្នុងន័យមានអំណោយផលដល់ការបំពេញតាមតម្រូវការផ្នែកកីឡានិងហាត់ប្រាណដ៏សំបូរបែបនៃមហាជនប្រទេសចិន និងជំរុញការហាត់ប្រាណជាតិនិងសុខភាពជាតិឲ្យរួមបញ្ចូលគ្នាដោយស៊ីជម្រៅ៕
