ថ្ងៃទី១៦ខែធ្នូ កិច្ចសន្ទនាផ្នែកសេដ្ឋកិច្ចនិងហិរញ្ញវត្ថុរវាងចិននិងអង់គ្លេសលើកទី៩បានបើកធ្វើនៅក្រុងប៉េកាំងក្រោមសហអធិបតីភាពរបស់លោកម៉ាខៃឧបនាយករដ្ឋមន្រ្តីចិននិងលោកHammondរដ្ឋមន្ត្រីក្រសួងហិរញ្ញវត្ថុនៃប្រទេសអង់គ្លេស។
លោកម៉ាខៃបានថ្លែងថា កិច្ចសន្ទនាលើកនេះគឺជាកិច្ចសន្ទនាផ្នែកសេដ្ឋកិច្ចនិងហិរញ្ញវត្ថុរវាងប្រទេសទាំងពីរចិននិងអង់គ្លេសលើកដំបូងបន្ទាប់ពីការបើកធ្វើដោយជោគជ័យនូវសមាជបក្សកុម្មុយនិស្តចិនលើកទី១៩ដែលមានបេសកកម្មដ៏សំខាន់ក្នុងការអនុវត្តមតិយោបល់ឯកភាពគ្នាដ៏សំខាន់ដែលថ្នាក់ដឹកនាំប្រទេសទាំងពីរបានឈានដល់និងការពង្រឹងនិងពង្រីកកិច្ចសហប្រតិបត្តិការផ្នែកសេដ្ឋកិច្ចនិងហិរញ្ញវត្ថុរវាងចិននិងអង់គ្លេសលើទីចាប់ផ្តើមប្រវត្តិសាស្រ្តថ្មី។
ក្នុងកិច្ចសន្ទនាលើកនេះ ភាគីទាំងពីរចិននិងអង់គ្លេសបានធ្វើការពិគ្រោះពិភាក្សាយ៉ាងជ្រាលជ្រៅអំពីស្ថានការណ៍សេដ្ឋកិច្ចជាទូទៅ ពាណិជ្ជកម្មនិងវិនិយោគ យុទ្ធសាស្រ្តនៃឧស្សាហកម្ម កំណែទម្រង់និងការអភិវឌ្ឍផ្នែកហិរញ្ញវត្ថុនិងកិច្ចសហប្រតិបត្តិការស្តីពីខ្សែក្រវាត់មួយផ្លូវមួយជាដើម រួមទាំងអស់បានឈានដល់ផ្លែផ្កាដែលផ្តល់ផល់ប្រយោជន៍ដល់គ្នានិងឈ្នះ–ឈ្នះចំនួន៧២ខ៕