ថ្ងៃទី ១៩ ខែវិច្ឆិកា លោក Wang Yi រដ្ឋមន្ត្រីក្រសួងការបរទេសចិនបានជួបសន្ទនាការងារជាមួយលោកស្រី Aung San Suu Kyi ទីប្រឹក្សាកិច្ចការរដ្ឋនិងជារដ្ឋមន្ត្រីក្រសួងការបរទេសមីយ៉ាន់ម៉ានៅទីក្រុង Naypyidaw ។
លោក Wang Yi បានថ្លែងថា ភាគីចិនគាំទ្រយ៉ាងម៉ឺងម៉ាត់ដល់ការខិតខំរបស់ភាគីមីយ៉ាន់ម៉ាក្នុងការរក្សាអធិបតេយ្យភាព ឯករាជ្យភាព សន្តិសុខនិងសេចក្តីថ្លៃថ្នូររបស់ប្រទេសជាតិ គាំទ្រយ៉ាងម៉ឺងម៉ាត់ចំពោះការខិតខំរបស់រដ្ឋាភិបាលមីយ៉ាន់ម៉ាក្នុងការជំរុញនូវដំណើរការដោះស្រាយបញ្ហាដោយសន្តិវិធី គាំទ្រយ៉ាងម៉ឺងម៉ាត់ចំពោះការខំប្រឹងប្រែងរបស់រដ្ឋាភិបាលមីយ៉ាន់ម៉ាក្នុងការកែលម្អជីវភាពរស់នៅរបស់ប្រជាជននិងអភិវឌ្ឍសេដ្ឋកិច្ចឲ្យងើបឡើងវិញ ហើយគាំទ្រយ៉ាងម៉ឺងម៉ាត់ការដែលម៉ីយ៉ាន់ម៉ាធ្វើជាម្ចាស់ផ្ទះនៃកិច្ចប្រជុំអាស៊ី-អឺរ៉ុបដែលជិតនឹងបើកធ្វើ ដើម្បីដំឡើងឋានៈនិងឥទ្ធិពលក្នុងឆាកអន្តរជាតិ។
លោកស្រី Aung San Suu Kyi បានថ្លែងថា ភាគីមីយ៉ាន់ម៉ាសូមកោតសរសើរដល់គំនិតផ្តួចផ្តើមបង្កើតច្រករបៀងសេដ្ឋកិច្ចរវាងចិននិងមីយ៉ាន់ម៉ាដែលលើកឡើងដោយភាគីចិន ការផ្តួចផ្តើមមួយនេះមានភាពសមស្របច្រើនជាមួយនឹងផែនការអភិវឌ្ឍន៍ជាតិមីយ៉ាន់ម៉ា ។ ភាគីមីយ៉ាន់ម៉ារីករាយធ្វើការតភ្ជាប់អំពីការផ្តួចផ្តើមនេះជាមួយភាគីចិនក្នុងពេលឆាប់ៗ។មីយ៉ាន់ម៉ានឹងសកម្មជំរុញនូវដំណើរការដោះស្រាយបញ្ហាក្នុងប្រទេសដោយសន្តិវិធី សង្ឈឹមអាចបន្តទទួលបានការយោគយល់និងការគាំទ្រពីភាគីចិន៕