ថៃ្ងទី១៨ ខែវិច្ឆិកា អំឡុងពេលផ្តល់បទសម្ភាសន៍ដល់អ្នកយកព័ត៌មាន លោកវ៉ាងយីរដ្ឋមន្រ្តីក្រសួងការបរទេសចិនដែលអញ្ជើញបំពេញទស្សនកិច្ចនៅប្រទេសបង់ក្លាដេសបានបង្ហាញពីគោលជំហររបស់ភាគីចិនស្តីពីបញ្ហាជនជាតិRohingyaរបស់ប្រទេសមីយ៉ាន់ម៉ាដែលសហគមន៍អន្តរជាតិបានយកចិត្តទុកដាក់ជាទូទៅនាបច្ចុប្បន្ននេះ។
លោកវ៉ាងយីបានថែ្លងថា ភាគីចិនរីករាយដើរតួនាទីចំពោះការដោះស្រាយបញ្ហានេះដោយសមរម្យរវាងភាគីទាំងពីរ បង់ក្លាដេសនិងមីយ៉ាន់ម៉ា។យើងជឿជាក់ថា ក្រោមការគាំទ្រនិងការជួយជ្រោមជ្រែងរបស់សហគមន៍អន្តរជាតិ ភាគីទាំងពីរ បង់ក្លាដេសនិងមីយ៉ាន់ម៉ាមុខជាអាចបន្ធូរបន្ថយសភាពការណ៍ថែមមួយកម្រិតទៀតនិងស្វែងរកមធ្យោបាយជាមូលដ្ឋានសម្រាប់ដោះស្រាយបញ្ហានេះបានដោយឆ្លងតាមរយៈការពិគ្រោះពិភាក្សាគ្នា៕