ថ្ងៃទី១៧ខែវិច្ឆិកា ស្ថានទូតចិនប្រចាំនៅប្រទេសកុងហ្គោប្រាហ្សេវិលបានប្រកាសថា រដ្ឋាភិបាលចិននឹងផ្តល់ជំនួយមនុស្សធម៌និយមជាបន្ទាន់ចំនួន៦លានដុល្លារអាមេរិកដល់ប្រទេសកុងហ្គោប្រាហ្សេវិល។
ក្នុងសន្និសីទសារព័ត៌មានដែលបើកធ្វើនៅថ្ងៃដដែលនោះ លោកXia Huangឯកអគ្គរដ្ឋទូតចិនប្រចាំនៅកុងហ្គោប្រាហ្សេវិលបានថ្លែងថា ប្រទេសកុងហ្គោប្រាហ្សេវិលកំពុងស្ថិតក្នុងដំណាក់កាលដ៏លំបាក ក្នុងនាមជាប្រទេសដៃគូដ៏មេត្រីភាពរបស់កុងហ្គោប្រាហ្សេវិល ប្រទេសចិនមានកាតព្វកិច្ចផ្តល់ជំនួយដោយប្រតិបត្តិការជាក់ស្តែង។រដ្ឋាភិបាលចិនសម្រេចថា នៅក្រោមក្របខ័ណ្ឌមូលនិធីជំនួយនៃកិច្ចសហប្រតិបត្តិការរវាងប្រទេសកំពុងអភិវឌ្ឍន៍ នឹងផ្តល់ជំនួយជាបន្ទាន់ចំនួន៦លានដុល្លារអាមេរិកដល់ប្រទេសកុងហ្គោប្រាហ្សេវិលសម្រាប់បន្ធូរបន្ថយវិបត្តិមនុស្សធម៌និយមដែលបណ្តាលមកពីភាពចលាចលនៅខេត្តPool៕