ថ្ងៃទី១៨ខែវិច្ឆិកា លោកវ៉ាងអ៊ីរដ្ឋមន្រ្តីការបរទេសចិនបានជួបពិភាក្សាជាមួយលោកអាលីរដ្ឋមន្រ្តីការបរទេសបង់ក្លាដែសនៅក្រុងដាកា។
ថ្លែងក្នុងកិច្ចជំនួប លោកវ៉ាងអ៊ីបានលើកឡើងថា ប្រទេសចិនរីករាយក្នុងការបង្កើនទំនុកចិត្តលើគ្នាផ្នែកយុទ្ធសាស្រ្ត បន្តគាំទ្រគ្នាទៅវិញទៅមកក្នុងបញ្ហាដែលពាក់ព័ន្ធនឹងផលប្រយោជន៍ជាស្នូលរបស់ភាគីទាំងពីរនិងបញ្ហាសំខាន់ៗដែលយកចិត្តទុកដាក់ដូចគ្នា។គំនិតផ្តួចផ្តើមស្តីពីខ្សែក្រវាត់មួយនិងផ្លូវមួយដែលលោកស៊ីជីនភីងប្រធានរដ្ឋចិនបានលើកឡើងនោះជាផលិតផលសាធារណៈអន្តរជាតិដែលត្រូវបានពិភពលោកអបអរស្វាគមន៍បំផុតក្នុងពេលបច្ចុប្បន្ន គំនិតផ្តួចផ្តើមមួយនេះបានត្រូវដាក់បញ្ចូលក្នុងលក្ខន្តិកៈបក្សកុម្មុយនិស្តចិនហើយ នេះបានបង្ហាញឲ្យឃើញថា ប្រទេសចិននឹងអនុវត្តគំនិតផ្តួចផ្តើមនេះក្នុងរយៈពេលយូរយ៉ាងម៉ឺងម៉ាត់មិនងាករេ។ប្រទេសចិនរីករាយរួមសហការជាមួយប្រទេសបង់ក្លាដែសដោយប្រកាន់ខ្ជាប់ស្មារតីស្តីពីការរួមពិភាក្សា រួមកសាងនិងរួមចែករំលែក ដើម្បីពន្លឿនកិច្ចសហប្រតិបត្តិការអំពីខ្សែក្រវាត់មួយនិងផ្លូវមួយ ជំរុញកិច្ចកសាងរបៀងសេដ្ឋកិច្ចរវាងបង់ក្លាដែស ចិន ឥណ្ឌានិងមីយ៉ាន់ម៉ា ក៏ដូចជាត្រួសត្រាយកិច្ចសហប្រតិបត្តិការលើវិស័យផ្សេងទៀតដូចជាសមុទ្រជាដើម៕
