ថ្ងៃទី ១៦ ខែវិចិ្ឆកា លោកNguyen Xuan Cuong ប្រធានមន្ទីរសិក្សាស្រាវជ្រាវអំពីប្រទេសចិននៃបណ្ឌិត្យសភាសង្គមវៀតណាមដែលអញ្ជើញទៅចូលរួមសិក្ខាសាលាធនាគរគំនិតអន្តរជាតិស្តីពី"សមាជបក្សកុម្មុយនិស្តចិនលើកទី ១៩ ៖ ការអភិវឌ្ឍនៃប្រទេសចិននិងអត្ថន័យជាសកល"បានថ្លែងក្នុងពេលផ្តល់បទសម្ភាសន៍ជាមួយអ្នកសារព័ត៌មាននៃវិទ្យុអន្តរជាតិចិនថា ភាពជោគជ័យដ៏ត្រចះត្រចង់ដែលលោកស៊ី ជីនភីង ប្រធានរដ្ឋចិនអញ្ជើញចូលរួមសន្និសីទAPEC នៅប្រទេសវៀតណាមនិងបំពេញទស្សនកិច្ចផ្លូវរដ្ឋនៅប្រទេសវៀតណាមនិងឡាវ ជាការបង្ហាញដ៏សំខាន់ពីគោលនយោបាយការទូតជាមួយប្រទេសជិតខាង និងពហុភាគីរបស់មហាប្រទេសដែលប្រកបដោយលក្ខណៈពិសេសចិនក្នុងយុគសម័យថ្មីរបស់ប្រទេសចិន និងបានដើរតួនាទីដ៏សំខាន់ក្នុងការជំរុញការអភិវឌ្ឍទំនាក់ទំនងរវាងប្រទេសវៀតណាមនិងចិន ពោលគឺទទួលបានសមិទ្ធផលដ៏សំខាន់ ៕
 |  |  |  |  |  |
