សនិ្នសីទថ្នាក់រដ្ឋមន្ត្រីក្រសួងការបរទេសអាស៊ីអឺរ៉ុបលើកទី ១៣ នឹងបើកធ្វើនៅក្រុង ណៃពីដោរប្រទេសមីយ៉ាន់ម៉ាពីថ្ងៃទី ២០ ដល់ថ្ងៃទី ២១ ខែវិច្ឆិកា ។
ថ្ងៃទី ១៦ ខែវិច្ឆិកា លោក Geng Shuang អ្នកនាំពាក្យក្រសួងការបរទេសចិនបានថ្លែងក្នុងសនិ្នសីទសារព័ត៌មានជាប្រចាំថា តបតាមសេចកី្តអញ្ជើញរបស់លោកស្រី អ៊ុង សានស៊ូជី ទីប្រឹក្សាកិច្ចការរដ្ឋនៃប្រទេសមីយ៉ាន់ម៉ា លោកវ៉ាង យី រដ្ឋមន្ត្រីការបរទេសចិននឹងដឹកនាំគណៈប្រតិភូចូលរួមសនិ្នសីទលើកនេះ ។
ក្នុងអំឡុងពេលសនិ្នសីទ លោក វ៉ាង យីនឹងអធិប្បាយអំពីគំនិតផ្តួចផ្តើមរបស់ប្រទេសចិនជុំវិញសភាពការណ៍អន្តរជាតិនិងតំបន់ កិច្ចសហប្រតិបតិ្តការតភ្ជាប់គ្នារវាងអាស៊ីនិងអឺរ៉ុប ក៏ដូចជាបញ្ហាក្រៅពាក់ព័ន្ធនានា លោក វ៉ាង យីនឹងជួបសន្ទនាជាមួយប្រធានគណៈប្រតិភូនៃប្រទេសនានា ដើម្បីជំរុញឲ្យបណ្តាភាគីអាស៊ីនិងអឺរ៉ុបប្រកាន់ខ្ជាប់គោលដៅក្នុងការបង្កើតទំនាក់ទំនងភាពជាដៃគូរវាងអាស៊ីនិងអឺរ៉ុប ពួតដៃគ្នាទប់ទល់នឹងភាពប្រឈមចំពោះមុខ និងបង្កើនកម្លាំងចលករអភិវឌ្ឍថី្មក្នុងកិច្ចសហប្រតិបតិ្តការអាស៊ីនិងអឺរ៉ុបផងដែរ ៕
