ថ្ងៃទី១៦ខែវិច្ឆិកា លោកស៊ីជីនភីងប្រធានរដ្ឋចិនបានជួបពិភាក្សាតាមទូរស័ព្ទជាមួយព្រះបាទSalmanព្រះមហាក្សត្រអារ៉ាប៊ីសាអូឌីតតាមការណាត់ជួប។
ព្រះបាទSalmanបានមានព្រះបន្ទូលថា ប្រទេសអារ៉ាប៊ីសាអូឌីតរីករាយក្លាយជាដៃគូដ៏សំខាន់របស់ប្រទេសចិនក្នុងតំបន់ឈូងសមុទ្រ អារ៉ាប៊ី សាអូឌីតនឹងធ្វើការខិតខំប្រឹងប្រែងក្នុងការបង្កើននិងធ្វើឲ្យស៊ីជម្រៅនូវទំនាក់ទំនងភាពជាដៃគូយុទ្ធសាស្រ្តគ្រប់ជ្រុងជ្រោយរវាងអារ៉ាប៊ីសាអូឌីតនិងចិនដែលជារឿងសមស្របនឹងផលប្រយោជន៍នៃប្រទេសទាំងពីរ ហើយក៏មានអំណោយផលដល់សន្តិភាពនិងស្ថិរភាពរបស់ពិភពលោកនិងតំបន់ផងដែរ។
ជាការឆ្លើយតប លោកស៊ីជីនភីងបានថ្លែងថា ប្រទេសចិននិងអារ៉ាប៊ីសាអូឌីតជាដៃគូយុទ្ធសាស្រ្តគ្រប់ជ្រុងជ្រោយ អាស្រ័យហេតុនេះ ប្រទេសចិនរីករាយក្នុងការរួមសហការជាមួយអារ៉ាប៊ីសាអូឌីត ធ្វើឲ្យស៊ីជម្រៅនូវកិច្ចសហប្រតិបត្តិការជាយុទ្ធសាស្រ្ត ជំរុញដោយនឹងនរនូវការតភ្ជាប់គ្នាជាយុទ្ធសាស្រ្តរវាងគំនិតផ្តួចផ្តើមខ្សែក្រវាត់មួយនិងផ្លូវមួយរបស់ចិននិងទស្សនទានអភិវឌ្ឍន៍ឆ្នាំ២០៣០របស់អារ៉ាប៊ីសាអូឌីត អនុវត្តឲ្យបានល្អនូវកិច្ចសហប្រតិបត្តិការលើគ្រប់វិស័យតាមរយៈយន្តការនៃគណៈកម្មាធិការចម្រុះជាន់ខ្ពស់នៃប្រទេសទាំងពីរ ក្នុងន័យធ្វើឲ្យទំនាក់ទំនងរវាងចិននិងអារ៉ាប៊ីសាអូឌីតផ្តល់ផលប្រយោជន៍កាន់តែច្រើននិងកាន់តែល្អជូនដល់ប្រជាជននៃប្រទេសទាំងពីរនិងប្រជាជននៃប្រទេសដទៃទៀតក្នុងតំបន់៕