ដើម្បីឆ្លើយតបនឹងករណីដែលក្រសួងយុត្តិធម៌អាមេរិកបានចុះបញ្ជីប៉ុស្តិ៍ភាសាអាមេរិកនៃស្ថានីយទូរទស្សន៍រុស្ស៊ីបច្ចុប្បន្នជាទីភ្នាក់ងារបរទេស នៅថ្ងៃទី ១៥ ខែវិច្ឆិកា សភាតំណាងរាស្ត្ររុស្ស៊ីហៅកាត់ Duma រុស្ស៊ីបានអនុម័តដោយសំឡេងឆ្នោតគាំទ្រទាំងស្រុងទៅលើសេចកី្តព្រាងច្បាប់ធ្វើវិសោធនកម្មអំពីមាត្រាស្តីពីទីភ្នាក់ងារបរទេសនៃច្បាប់អង្គការមិនមែនស្ថាប័នពាណិជ្ជកម្មរបស់រុស្ស៊ី ព្រមនិងឲ្យគណៈកម្មាធិការសហព័ន្ធរុស្ស៊ីគឺសភាជាន់ខ្ពស់រុស្ស៊ីពិនិត្យពិភាក្សា ។
សមាជិកសភាតំណាងរាស្ត្ររុស្ស៊ីថ្លែងថា សេចកី្តព្រាងច្បាប់វិសោធនកម្មនេះ មានន័យថា បើសិនជាប្រទេសណាមួយដាក់កំហិតខ្លាំងទៅលើការងារផ្សព្វផ្សាយព័ត៌មាននៅបរទេសរបស់ប្រព័ន្ធសារព័ត៌មានរុស្ស៊ី នោះទីភ្នាក់ងារប្រចាំនៅរុស្ស៊ីរបស់ប្រព័ន្ធសារព័ត៌មាននៃប្រទេសមួយនោះនឹងត្រូវចាត់ទុកជាទីភ្នាក់ងារបរទេស ៕