ថ្ងៃទី១៣ ខែវិច្ឆិកា នៅក្នុងសន្និសីទលើក២០នៃថ្នាក់ដឹកនាំប្រទេសចិននិងអាស៊ានដែលរៀបចំធ្វើនៅទីក្រុងម៉ានីល ប្រទេសចិននិងប្រទេសអាស៊ានបានប្រកាសចាប់ដំណើរការកិច្ចពិគ្រោះពិភាក្សាអំពីខ្លឹមសារនៃសេចក្តីព្រាងក្រមប្រតិបត្តិសមុទ្រចិនខាងត្បូង ដែលជាការបង្ហាញថា ការតាក់តែងក្រមប្រតិបត្តិមួយនេះនឹងឈានចូលដំណាក់កាលដ៏គន្លឹះមួយ។លោកLeLuongMinhអគ្គលេខាធិការអាស៊ានបានមានប្រសាសន៍ថា សង្ឃឹមថាតាមរយៈឱកាសនេះភាគីទាំង២អាចបង្កើនការយោគយល់និងកសាងទំនុកចិត្តទៅវិញទៅមក ដើម្បីបន្តរក្សាសន្តិភាពនិងស្ថិរភាពនៅសមុទ្រចិនខាងត្បូងនិងតាំងជាមូលដ្ឋានដ៏រឹងមាំដើម្បីជំរុញការអភិវឌ្ឍទំនាក់ទំនងភាពជាដៃគូយុទ្ធសាស្ត្រទ្វេភាគីថែមទៀត។ដោយឡែកនៅថ្ងៃ១៤ ខែវិច្ឆិកា លោកGengShuangអ្នកនាំពាក្យក្រសួងការបរទេសចិនបានថ្លែងនៅទីក្រុងប៉េកាំងថា ភាគីចិននិងប្រទេសអាស៊ាននឹងបើកធ្វើការពិគ្រោះពិភាក្សាស្តីពីខ្លឹមសារនៃសេចក្តីព្រាងក្រមប្រតិបត្តិសមុទ្រចិនខាងត្បូងឲ្យបានញឹកញាប់នៅឆ្នាំ២០១៨ សង្ឃឹមអាចឈានដល់គំនិតឯកភាពរួមស្តីពីក្រមប្រតិបត្តិសមុទ្រចិនខាងត្បូងឲ្យបានឆាប់៕
 |  |  |  |  |  |
