ក្នុងសនិ្នសីទថ្នាក់ដឹកនាំអាស៊ានបូកចិន ជប៉ុននិងកូរ៉េខាងត្បូងលើកទី ២០ ដែលបើកធ្វើកាលពីព្រឹកថ្ងៃទី ១៤ ខែវិច្ឆិកា លោក លីខឺឈាង នាយករដ្ឋមន្ត្រីចិនបានគូសបញ្ជាក់ថា នឹងជំរុញកិច្ចកសាងសហគមន៍សេដ្ឋកិច្ចអាស៊ីបូព៌ា ។
លោក លីខឺឈាងបានថ្លែងថា ការបង្កើតសហគមន៍សេដ្ឋកិច្ចអាស៊ីបូព៌ាគឺជាទិសដៅយុទ្ធសាស្ត្រមួយនៃកិច្ចសហប្រតិបតិ្តការ១០បូក១ ។ ប្រទេសចិនសូមផ្តួចផ្តើមថា កិច្ចកសាងសហគមន៍សេដ្ឋកិច្ចអាស៊ីបូព៌ាគប្បីប្រកាន់ខ្ជាប់កម្មវត្ថុមួយ ពោលគឺជំរុញការធ្វើសមាហរណកម្មសេដ្ឋកិច្ចក្នុងតំបន់ ដើម្បីសម្រេចការអភិវឌ្ឍប្រកបដោយបរិយាប័ន្ននិងការអភិវឌ្ឍជាមួយគ្នា ប្រកាន់ខ្ជាប់គោលការណ៍ពីរ ពោលគឺប្រកាន់ខ្ជាប់ឋានៈជាស្នូលរបស់អាស៊ានរបស់អាស៊ាន និងប្រកាន់ខ្ជាប់ "បែបបទអាស៊ាន" គឺពិគ្រោះពិភាក្សាគ្នា បើកទូលាយ បរិយាប័ន្ធ និងគិតពិចារណាដល់ភាពងាយស្រួលរបស់ភាគីនានា ព្រមទាំងជំរុញកិច្ចសហប្រតិបតិ្តការលើបីស្រទាប់ ពោលគឺចាត់ទុកកិច្ចសហប្រតិបតិ្តការ១០បូក៣ជាសំខាន់ ចាត់ទុកកិច្ចសហប្រតិបតិ្តការអាស៊ានបូកប្រទេសបីដោយឡែក ចិន ជប៉ុននិងកូរ៉េខាងត្បូងពី គ្នាគឺហៅកាត់១០បូក១ជាមូលដ្ឋាន និងចាត់ទុកកិច្ចសហប្រតិបតិ្តការមហាអនុតំបន់ជាខ្លឹមសារបំពេញបន្ថែម ដូចជាកិច្ចសហប្រតិបតិ្តការជាមួយចិន ជប៉ុន កូរ៉េខាងត្បូង ទន្លេឡានឆាង-មេគង្គ និងតំបន់កំណើនភាគខាងកើតរបស់អាស៊ានជាដើម ដើម្បីធ្វើឲ្យកិច្ចកសាងសហគមន៍សេដ្ឋកិច្ចអាស៊ីបូព៌ាអាចដើរតាមផ្លូវអភិវឌ្ឍន៍ដឹងរឹងមាំមានសិ្ថរភាពនិងនិរន្តរភាពជាប់ជានិច្ច ៕
