រសៀលថ្ងៃទី១៣ខែវិចិ្ឆកា តាមម៉ោងហ្វីលីពីន លោកលីខឺឈាងនាយករដ្ឋមន្រ្តីចិនបានជួបពិភាក្សាជាមួយលោកស៊ីនហ្សូ អាបេនាយករដ្ឋមន្រ្តីជប៉ុននៅក្រុងម៉ានីល។
លោកលីខឺឈាងបានថ្លែងថា សង្ឃឹមប្រទេសជប៉ុនប្រកាន់យកស្មារតីស្តីពីការចាត់ទុកប្រវត្តិសាស្ត្រជាមេរៀននិងសំដៅទៅរកអនាគត ដើរតាមទិសដៅតែមួយជាមួយភាគីចិន ដើម្បីជំរុញទំនាក់ទំនងរវាងប្រទេសទាំងពីរឲ្យជម្នះលើការលំបាកនិងការប្រកួតប្រជែងផ្សេងៗ រក្សានិន្នាការកែលម្អទំនាក់ទំនង ដើម្បីទទួលបានការវិវឌ្ឍរីកចម្រើនថ្មី ។
ជាការឆ្លើយតប លោកស៊ីនហ្សូ អាបេបានបង្ហាញថា ប្រទេសជប៉ុនរីករាយក្នុងការប្រកាន់ខ្ជាប់គំនិតស្តីពីការបង្កើតទំនាក់ទំនងផ្តល់ផលប្រយោជន៍ដល់គ្នាជាយុទ្ធសាស្រ្តរវាងជប៉ុននិងចិន ប្រកាន់ខ្ជាប់ការចាត់ទុកគូភាគីជាដៃគូសហប្រតិបត្តិការ មិនបង្កជាការគំរាមកំហែងទៅវិញទៅមក បង្កើនការប្រាស្រ័យទាក់ទងគ្នាគ្រប់ស្រទាប់ជាន់ថ្នាក់ និងពង្រឹងនិងពង្រីកទំនាក់ទំនងទ្វេភាគីឲ្យងាកទៅរកនិន្នាការកែលម្អដ៏ល្អប្រសើរ ៕