ថ្ងៃទី ១២ ខែវិច្ឆិកា លោកស៊ី ជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានអញ្ជើញចូលរួមពិធីបដិសណ្ឋារកិច្ចដែលរៀបចំដោយលោក Nguyen Phu Trong អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តវៀតណាមនិងលោកTran Dai Quang ប្រធានរដ្ឋវៀតណាមនៅមជ្ឈមណ្ឌលសន្និសីទអន្តរជាតិក្រុងហាណូយ ។
ក្នុងពិធីបដិសណ្ឋារកិច្ច លោក Nguyen Phu Trong អគ្គលេខាធិការនៃគណៈកម្មាធិការមជ្ឈិមបក្សវៀតណាមបានលើកឡើងថា ប្រទេសវៀតណាមយកចិត្តទុកដាក់ខ្ពស់លើទំនាក់ទំនងរវាងប្រទេសវៀតណាមនិងចិន រីករាយរួមសហការជាមួយប្រទេសចិន ដើម្បីពង្រឹងនិងពង្រីកមិត្តភាពប្រពៃណី ធ្វើឲ្យកិច្ចសហប្រតិបត្តិការជាក់ស្តែងមានភាពកាន់តែស៊ីជម្រៅ ជំរុញទំនាក់ទំនងភាពជាដៃគូសហប្រតិបត្តិការជាយុទ្ធសាស្រ្តគ្រប់ជ្រុងជ្រោយរវាងប្រទេសវៀតណាមនិងចិនឲ្យវិវឌ្ឍរីកចម្រើនប្រកបដោយភាពរឹងមាំនិងមានស្ថិរភាពជានិរន្តរភាព ។ ជឿជាក់ថា ដំណើរទស្សនកិច្ចរបស់លោកស៊ី ជីនភីងអគ្គលេខាធិការនៃគណៈកម្មាធិការបក្សកុម្មុយនិស្តចិននិងជាប្រធានរដ្ឋចិនលើកនេះមុខជានឹងអាចបំពេញបន្ថែមកម្លាំងចលករថ្មីសម្រាប់ទំនាក់ទំនងរវាងប្រទេសវៀតណាមនិងចិនជាពុំខាន៕
