ថ្ងៃទី១២ខែវិច្ឆិកា លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានជួបពិភាក្សាជាមួយលោកស្រីNguyen Thi Kim Nganប្រធានសភាវៀតណាមនៅក្រុងហាណូយ។
ថ្លែងក្នុងកិច្ចជំនួប លោកស៊ីជីនភីងបានលើកឡើងថា ប្រទេសចិនយកចិត្តទុកដាក់ខ្ពស់ដល់ការពង្រឹងនិងពង្រីកទំនាក់ទំនងរវាងចិននិងវៀតណាម រីករាយក្នុងការរួមសហការជាមួយវៀតណាមដើម្បីបន្តប្រកាន់ខ្ជាប់គោលការណ៍ណែនាំស្តីពីការរក្សាស្ថិរភាពយូរអង្វែង សំដៅឆ្ពោះទៅរកអនាគត សុខដុមនីយកម្មនិងមេត្រីភាព និងធ្វើកិច្ចសហប្រតិបត្តិការគ្រប់ជ្រុងជ្រោយ ក៏ដូចជាប្រកាន់ខ្ជាប់ស្មារតីស្តីពីអ្នកជិតខាងល្អ មិត្តភ័ក្តិល្អនិងដៃគូល្អ ក្នុងន័យជំរុញទំនាក់ទំនងភាពជាដៃគូសហប្រតិបត្តិការជាយុទ្ធសាស្រ្តគ្រប់ជ្រុងជ្រោយរវាងចិននិងវៀតណាមឲ្យវិវឌ្ឍរីកចម្រើនដោយយូរអង្វែង រឹងមាំនិងនឹងនរ៕
