ថ្ងៃទី១១ខែវិចិ្ឆកា លោកប្រធានរដ្ឋចិនស៊ីជីនភីងនិងលោកស្រី Michelle Bachelet ប្រធានាធិបតីស៊ីលីរួមគ្នាអញ្ជើញចូលរួមពិធីចុះហត្ថលេខានៃពិធីការធ្វើទំនើបកម្មកិច្ចព្រមព្រៀងស្តីពីពាណិជ្ជកម្មសេរីចិននិងស៊ីលីនៅក្រុងដាណាងប្រទេសវៀតណាម ។
លោកស៊ីជីនភីងបានគូសបញ្ជាក់ថា នេះគឺជាការធ្វើទំនើបកម្មកិច្ចព្រមព្រៀងស្តីពីពាណិជ្ជកម្មសេរីរវាងប្រទេសចិននិងប្រទេសអាមេរិកឡាទីនលើកទីមួយ ការធ្វើទំនើបកម្មកិច្ចព្រមព្រៀងនេះ នឹងដាក់បញ្ចូលកម្លាំងចលករថ្មីក្នុងកិច្ចសហប្រតិបត្តិការជាក់ស្តែងរវាងចិននិងស៊ីលី ធ្វើជាគំរូថ្មីសម្រាប់កិច្ចសហប្រតិបត្តិការរវាងប្រទេសចិននិងប្រទេសអាមេរិកឡាទីន ហើយដើរតួនាទីជាគំរូវិជ្ជមានសម្រាប់អន្តរជាតិផងដែរ ។
លោកស្រី Michelle Bachelet បានថ្លែងថា ទំនាក់ទំនងស៊ីលីនិងចិនបានបង្កើតឡើងដំបូងបង្អស់ជាច្រើនលើកក្នុងប្រវត្តិសាស្ត្រនៃការអភិវឌ្ឍទំនាក់ទំនងរវាងអាមេរិកឡាទីននិងចិន ។ ភាគីស៊ីលីរីករាយរួមជាមួយភាគីចិន ជំរុញកិច្ចសហប្រតិបត្តិការជាក់ស្តែងរវាងស៊ីលីនិងចិនឲ្យរីកចម្រើនទៅមុខឥតឈប់ឈរ ។