ថ្ងៃទី១១ខែវិចិ្ឆកា លោកស៊ីជីនភីងប្រធានរដ្ឋចិនបានជួបសន្ទនាការងារជាមួយលោក Shinzo Abe នាយករដ្ឋមន្ត្រីជប៉ុននៅក្រុងដាណាងប្រទេសវៀតណាម ។
លោកស៊ីជីនភីងបានបង្ហាញថា ប្រទេសចិននិងជប៉ុនជាប្រទេសជិតខាង ហើយក៏ជាតួអង្គសេដ្ឋកិច្ចសំខាន់នៅអាស៊ីនិងពិភពលោកផងដែរ ។ទំនាក់ទំនងចិននិងជប៉ុនរីកចម្រើនយ៉ាងនឹងនរគឺសមស្របនឹងផលប្រយោជន៍របស់ភាគីទាំងពីរ ហើយមានឥទ្ធិពលសំខាន់សម្រាប់តំបន់និងពិភពលោក ។ ឆ្នាំ២០១៧នេះជាខួបឆ្នាំទី៤៥នៃការដែលទំនាក់ទំនងចិននិងជប៉ុនចងសម្ព័ន្ធផ្លូវទូតជាប្រក្រតី ហើយឆ្នាំ២០១៨នឹងជាខួបឆ្នាំទី៤០នៃការចុះហត្ថលេខាលើអនុសញ្ញាសន្តិភាពមេត្រីភាពរវាងប្រទេសចិននិងជប៉ុន ។ ភាគីទាំងពីរត្រូវគិតពីផលប្រយោជន៍មូលដ្ឋានរបស់ប្រជាជននៃប្រទេសទាំងពីរ ក្តាប់ជាប់ទិសដៅនៃសន្តិភាព មេត្រីភាពនិងកិច្ចសហប្រតិបត្តិការ ឆ្លងតាមការខិតខំប្រឹងប្រែងឥតឈប់ឈរ សន្សំលក្ខខ័ណ្ឌអំណោយផល បន្តជំរុញនិងលើកកម្ពស់ទំនាក់ទំនងចិននិងជប៉ុនជានិច្ច ។
លោក Shinzo Abe បានថ្លែងថា ភាគីជប៉ុនរីករាយខិតខំប្រឹងប្រែងជាមួយភាគីចិន ដោយចាត់ទុកខួបឆ្នាំទី៤០នៃការចុះហត្ថលេខាលើអនុសញ្ញាសន្តិភាពមេត្រីភាពរវាងប្រទេសចិននិងជប៉ុននៅឆ្នាំ២០១៨ជាឱកាស ជំរុញទំនាក់ទំនងយុទ្ធសាស្ត្រដែលផ្តល់ផលប្រយោជន៍ឲ្យគ្នាទៅវិញទៅមករវាងប្រទេសទាំងពីរឲ្យបន្តអភិវឌ្ឍន៍ទៅមុខ ។