ថៃ្ងទី១១ ខែវិច្ឆិកា លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនបានជួបសន្ទនាការងារជាមួយលោកNguyenXuanPhucនាយករដ្ឋមន្រ្តីវៀតណាមនៅមជ្ឈមណ្ឌលរដ្ឋបាលក្រុងដាណាង។
លោកស៊ីជីនភីងបានថែ្លងថា ភាគីចិនបានយកចិត្តទុកដាក់ខ្ពស់ដល់ទំនាក់ទំនងជាមួយនឹងប្រទេសវៀតណាម។ខ្ញុំរំពឹងថា ឆ្លងតាមទស្សនកិច្ចលើកនេះ ធ្វើការផ្លាស់ប្តូរមតិគ្នាយ៉ាងស៊ីជម្រៅនូវទំនាក់ទំនងរវាងគណបក្សទាំងពីរនិងប្រទេសទាំងពីរព្រមទាំងបញ្ហាដែលយកចិត្តទុកដាក់ជាមួយគ្នាជាមួយបណ្តាអ្នកដឹកនាំនៃប្រទេសវៀតណាមដើម្បីជំរុញទំនាក់ទំនងភាពដៃគូយុទ្ធសាស្រ្តគ្រប់ជ្រុងជ្រោយរវាងចិននិងវៀតណាមឲ្យឈានចូលក្នុងដំណាក់កាលអភិវឌ្ឍន៍ថ្មី។
លោកNguyenXuanPhucបានថែ្លងថា ការលើកកម្ពស់ទំនាក់ទំនងរវាងចិននិងវៀតណាមគឺជម្រើសជាអាទិភាពមួយនៃនយោបាយការទូតរបស់បក្សនិងរដ្ឋាភិបាលវៀតណាម។ភាគីវៀតណាមថែ្លងអំណរគុណចំពោះជំនួយដែលបានផ្តល់ដោយភាគីចិន ខិតខំព្យាយាមលើកកម្ពស់កិច្ចសហប្រតិបត្តិការរវាងចិននិងវៀតណាម ហើយរំពឹងថា នឹងបង្កើនកិច្ចសហប្រតិបត្តិការលើគ្រប់វិស័យជាមួយភាគីចិន ដូចជាវិស័យ វិនិយោគ ពាណិជ្ជកម្មផលិតភាព បច្ចេកវិទ្យា កិច្ចកសាងហេដ្ឋារចនាសម័្ពន្ធជាដើមព្រមទាំងធ្វើការផ្លាស់ប្តូរខាងមនុស្សធម៌និងវប្បធម៌យ៉ាងជិតស្និទ្ធនៃតំបន់ ខាងទេសចរណ៍និងវប្បធម៌ជាដើម៕
