ថ្ងៃទី ១១ ខែវិច្ឆិកា សន្និសីទក្រៅផ្លូវការលើកទី ២៥ នៃអ្នកដឹកនាំអង្គការAPECបានប្រារព្ធធ្វើនៅក្រុងដាណាងប្រទេសវៀតណាម ។ លោកស៊ីជីនភីង ប្រធានរដ្ឋចិនបានអញ្ជើញចូលរួមព្រមទាំងថ្លែងសុន្ទរកថាសំខាន់ក្រោមចំណងជើងថា ពួតដៃគ្នាចារទំព័រសហប្រតិបត្តិការថ្មីនិងឈ្នះ-ឈ្នះនៃអាស៊ីប៉ាស៊ីហ្វិក ដោយគូសបញ្ជាក់ថា បណ្តាភាគីអាស៊ីប៉ាស៊ីហ្វិកគួរតែជំរុញការច្នៃប្រឌិតថ្មីឥតឈប់ឈរ ពង្រីកការបើកចំហយ៉ាងម៉ឺងម៉ាត់មិនងាករេ សកម្មអនុវត្តការអភិវឌ្ឍដោយបរិយាប័ន្ន ធ្វើឲ្យទំនាក់ទំនងដៃគូមានខ្លឹមសារសម្បូរបែប ហើយណែនាំការអភិវឌ្ឍនិងភាពរុងរឿងវគ្គថ្មីដល់ពិភពលោកទាំងមូល។
លោកស៊ីជីនភីង បានគូសបញ្ជាក់ក្នុងសុន្ទកថាថា បីឆ្នាំកន្លងមកនេះ សេដ្ឋកិច្ចពិភពលោកកំពុងងើបឡើងវិញជាបណ្តើៗ ជំនឿចិត្តរបស់បណ្តាភាគីក៏កំពុងកើនឡើងជាបណ្តើៗដែរ។ យើងត្រូវតែមើលឃើញថា សេដ្ឋកិច្ចពិភពលោកកំពុងផ្លាស់ប្តូរយ៉ាងជ្រាលជ្រៅ។ គ្រប់ភាគីនៅអាស៊ីប៉ាស៊ីហ្វិកត្រូវតែអនុវត្តសកម្មភាពជាក់ស្តែងដោយស្របតាមនិន្នាការអភិវឌ្ឍ ដើម្បីណែនាំពិភពលោកទាំងមូលឈានឆ្ពោះទៅកាន់វឌ្ឍនភាពនិងភាពរុងរឿងវគ្គថ្មី។
ទី១ ខិតខំព្យាយាមជំរុញការច្នៃប្រឌិតថ្មី កសាងកម្លាំងចលករសម្រាប់ការអភិវឌ្ឍយ៉ាងខ្លាំងក្លា
ទី២ ពង្រីកការបើកចំហដោយម៉ឺងម៉ាត់មិនងាយរេ កសាងទំហំអភិវឌ្ឍន៍យ៉ាងទូលំទូលាយ
ទី៣ អនុវត្តការអភិវឌ្ឍដោយបរិយាប័ន្នវិជ្ជមាន ធ្វើឲ្យប្រជាជនមានអារម្មណ៍ទទួលបានផលកាន់តែច្រើន
ទី៤ ធ្វើឲ្យទំនាក់ទំនងភាពជាដៃគូមានខ្លឹមសារសម្បូរបែបឥតឈប់ឈរ សម្រេចបានការផ្តល់ផលប្រយោជន៍ដល់គ្នាទៅវិញទៅមកនិងឈ្នះ-ឈ្នះ។
