នាពេលកន្លងទៅថ្មីៗនេះ ក្រុមសេវាកម្មបង់ប្រាក់របស់កម្មវិធី Wechat បានចេញផ្សាយរបាយការណ៍នៅក្រុងបាងកកប្រទេសថៃ ដោយបានចង្អុលបង្ហា្ថា ការបង់ប្រាក់ដោយចល័តបានក្លាយជាបែបបទទំនើប ហើយការបង់ប្រាក់តាមរយៈទូរស័ព្ទដៃក៏ដូចជាវិធីបង់ប្រាក់ដោយមិនប្រើសាច់ប្រាក់បានក្លាយជាសភាពការណ៍ជាទូទៅក្នុងជីវិភាពរស់នៅរបស់ប្រជាជនចិន ។
នៅថ្ងៃទី ២២ ខែកញ្ញា ក្នុងសនិ្នសីទកំពូលលើកទី ៣ ស្តីពីទីក្រុងវៃឆ្លាតនិងអភិបាលកិច្ចអេឡិចត្រូនិចនៃអាស៊ីប៉ាស៊ីហ្វីក ក្រុមសេវាកម្មបង់ប្រាក់របស់កម្មវិធី Wechat បានឧទេ្ទសនាមពីការអនុវត្តជាក់ស្តែងនៃប្រទេសចិនលើវិស័យកសាងទីក្រុងវៃឆ្លាតជូនចំពោះអង្គប្រជុំ ព្រមទាំងបានដាក់ចេញរបាយការណ៍ស្តីពីជីវភាពវៃឆ្លាតនៃប្រទេសចិនឆ្នាំ ២០១៧ ផងដែរ ។
របាយការណ៍ច្បាប់នេះបានបង្ហាញថា ពេលធ្វើដំណើរទៅខាងក្រៅ មានមនុស្សចំនួន ៤០ ភាគរយនាំយកសាច់ប្រាក់តិចជាង ១០០ យាន់ប្រាក់ចិន ថែមទាំងមានមនុស្សចំនួន ៨៤ ភាគរយថ្លែងថា ពេលធ្វើដំណើរទៅខាងក្រៅដោយមិននាំយកសាច់ប្រាក់គឺជារឿងដែលអាចទទួលបានផងដែរ ៕
