ថ្ងៃទី២៣ខែកញ្ញា រដ្ឋបាលតំបន់ស្វយ័តជនជាតិឃើតនៃប្រទេសអ៊ីរ៉ាក់បានបដិសេធចំពោះការផ្សាយដំណឹងរបស់ប្រព័ន្ធសារព័ត៌មានស្តីពីការបោះឆ្នោតសកលដើម្បីឯករាជ្យភាពនៃតំបន់ស្វយ័តជនជាតិឃើតនឹងពន្យារពេលធ្វើ ហើយរំលឹកឡើងវិញថា ការបោះឆ្នោតសកលនឹងធ្វើតាមពេលកំណត់នៅថ្ងៃទី២៥ខែកញ្ញា។
នៅថ្ងៃដដែល ស្ថានីយទូរទស្សន៍ជាតិអ៊ីរ៉ាក់បានសំអាងតាមពាក្យសម្តីរបស់លោកTalabaniមន្រ្តីជាន់ខ្ពស់នៃសហព័ន្ធស្នេហាជាតិជនជាតិឃើតផ្សាយដំណឹងឲ្យដឹងថា ក្រោយពីបានធ្វើការវាយតម្លៃគ្រប់ជ្រុងជ្រោយ គណៈបក្សនយោបាយសំខាន់ៗនៃតំបន់ជនជាតិឃើតបានសម្គាល់ថា សំណើរបស់អាមេរិក អង់គ្លេសនិងអង្គការសហប្រជាជាតិជាដើមស្តីពីការពន្យារពេលធ្វើការបោះឆ្នោតសកលគឺជាការជ្រើសរើសល្អបំផុតរបស់ជនជាតិឃើតក្នុងពេលបច្ចុប្បន្ន។
ទាក់ទិននឹងរឿងនេះ មន្រ្តីនៃការិយាល័យប្រធានតំបន់ស្វយ័តជនជាតិឃើតបានបង្ហាញថា ពាក្យសម្តីរបស់លោកTalabaniគ្រាន់តែតំណាងឲ្យទស្សនៈរបស់ខ្លួនគាត់ប៉ុណ្ណោះ មិនមែនជាគោលជំហរជាផ្លូវការរបស់រដ្ឋបាលតំបន់ស្វយ័តជនជាតិឃើតទេ ការបោះឆ្នោតសកលដើម្បីឯករាជ្យភាពនឹងធ្វើតាមផែនការពីមុន៕
