ថ្ងៃទី ២១ ខែកញ្ញា នៅវិមានសភាប្រជាជនចិន លោក Zhang Gaoli ឧបនាយករដ្ឋមន្ត្រីចិនបានជួបសំណេះសំណាលជាមួយតំណាងអន្តរជាតិដែលអញ្ជើញមកចូលរួមវេទិកាកិច្ចសហប្រតិបតិ្តការប្រព័ន្ធសារព័ត៌មានឆ្នាំ ២០១៧នៃបណ្តាប្រទេសកសាងគំនិតផ្តួចផ្តើមខ្សែក្រវាត់មួយនិងផ្លូវមួយ ព្រមទាំងបានឆ្លើយតបសំនួរដែលអង្គប្រជុំបានចាប់អារម្មណ៍ផងដែរ ។
លោក Zhang Gaoli បានចង្អុលបង្ហាញថា ប្រព័ន្ធសារព័ត៌មានគឺជាស្ពាន ខ្សែក្រវាត់និងបង្អួចសម្រាប់តភ្ជាប់មនោសញ្ចេតនារវាងប្រជាជន ។ លោកបានស្វាគមន៍ប្រព័ន្ធសារព័ត៌មាននិងធនាគារគំនិតនៃប្រទេសនានាដែលឆ្លៀតប្រើវេទិកាលើកនេះ សម្រាប់ធ្វើការផ្លាស់ប្តូរនិងកិច្ចសហប្រតិបតិ្តការឲ្យបានកាន់តែស៊ីជម្រៅ ដើម្បីធ្វើឲ្យប្រជាជននៃប្រទេសនានាយល់ដឹងកាន់ច្បាស់ពីខ្លឹមសារនិងគំនិតស្នូលនៃកិច្ចកសាងគំនិតផ្តួចផ្តើមខ្សែក្រវាត់មួយនិងផ្លូវមួយ ដើម្បីកសាងមូលដ្ឋានល្អនិងរឹងមាំសម្រាប់សាធារណៈមតិ និងផ្តល់ការគាំទ្រដ៏ឆ្លាតវៃសម្រាប់រួមសហការកសាងគំនិតផ្តួចផ្តើមខ្សែក្រវាត់មួយនិងផ្លូវមួយ ៕
