ថ្ងៃទី ២១ ខែកញ្ញា លោកវ៉ាងអ៊ី រដ្ឋមន្រ្តីក្រសួងការបរទេសចិនបានអញ្ជើញចូលរួមពិធីជួបជុំពិសាអាហារពេលព្រឹកជាមួយរដ្ឋមន្រ្តីការបរទេសនៃបណ្តាប្រទេសជាសមាជិកអចិន្រ្តៃយ៍នៃក្រុមប្រឹក្សាសន្តិសុខនិងអគ្គលេខាធិការនៃអង្គការសហប្រជាជាតិនៅក្រុងញូវយ៉ក ។
រដ្ឋមន្រ្តីក្រសួងការបរទេសនៃប្រទេសចំនួន ៥ និងលោកAntonio Guterres អគ្គលេខាធិការនៃអង្គការសហប្រជាជាតិបានធ្វើការផ្លាស់ប្តូរមតិយោបល់គ្នាយ៉ាងស៊ីជម្រៅអំពីបញ្ហាមួយចំនួនដែលបានយកចិត្តទុកដាក់ដូចគ្នា ដូចជាបញ្ហាស៊ីរី និងស្ថានការណ៍ឧបទ្វីបកូរ៉េជាដើម ហើយបានកត់សម្គាល់ជាឯកច្ឆ័នថា ប្រទេសជាសមាជិកអចិន្រ្តៃយ៍នៃក្រុមប្រឹក្សាសន្តិសុខមានកាតព្វកិច្ចពិសេសចំពោះកិច្ចគាំពារសន្តិភាពនិងសន្តិសុខអន្តរជាតិ ត្រូវការបង្កើនការសម្របសម្រួល និងធ្វើឲ្យកិច្ចសហប្រតិបត្តិការមានភាពកាន់តែស្អិតល្មួត និងផ្តល់ការគាំទ្រដល់ការងារទូទៅរបស់លោកអគ្គលេខាធិការGuterres ៕