ក្នុងអំឡុងពេលអញ្ជើញទៅចូលរួមមហាសន្និបាតអង្គការសហប្រជាជាតិនៅក្រុងញូយ៉ក លោកវ៉ាងអ៊ីរដ្ឋមន្រ្តីការបរទេសចិនបានជួបពិភាក្សាជាមួយលោកCayetanoរដ្ឋមន្រ្តីការបរទេសហ្វីលីពីន។
លោកវ៉ាងអ៊ីបានថ្លែងថា នៅក្រោមការណែនាំរបស់ប្រមុខរដ្ឋនៃប្រទេសទាំងពីរ ទំនាក់ទំនងរវាងចិននិងហ្វីលីពីនបានរក្សានិន្នាការកែលម្អនិងអភិវឌ្ឍន៍ ការនេះសមស្របទាំងស្រុងនឹងផលប្រយោជន៍របស់ប្រទេសនិងប្រជាជនប្រទេសទាំងពីរ។ភាគីទាំងពីរគួរតែខ្នះខ្នែងអនុវត្តមតិឯកភាពគ្នារបស់ប្រមុខរដ្ឋប្រទេសទាំងពីរ រក្សាការប្រាស្រ័យទាក់ទងគ្នាយ៉ាងជិតស្និទ្ធ ច្រានចោលភាពអវិជ្ជមានគ្រប់បែបយ៉ាង ជំរុញកិច្ចសហប្រតិបត្តិការរវាងចិននិងហ្វីលីពីនឲ្យទទួលបានផ្លែផ្កាជាក់ស្តែង ហើយធ្វើឲ្យកិច្ចសហប្រតិបត្តិការរវាងចិននិងហ្វីលីពីនក្លាយជាចរន្តសំខាន់សម្រាប់និរន្តរភាពនៃទំនាក់ទំនងរវាងប្រទេសទាំងពីរ៕