ថ្ងៃទី២០ខែកញ្ញា នៅទីស្នាក់ការទូទៅអង្គការសហប្រជាជាតិក្រុងញូយ៉ក លោកវ៉ាងអ៊ីរដ្ឋមន្រ្តីការបរទេសចិននិងលោកMashabaneរដ្ឋមន្រ្តីការបរទេសអាហ្រ្វិកខាងត្បូងបានអញ្ជើញធ្វើជាសហអធិបតីក្នុងការពិគ្រោះពិភាក្សាផ្នែកនយោបាយថ្នាក់រដ្ឋមន្រ្តីការបរទេសរវាងចិននិងអាហ្រ្វិកនៃមហាសន្និបាតអង្គការសហប្រជាជាតិលើកទី៤ រដ្ឋមន្រ្តីការបរទេសឬតំណាងនៃប្រទេសអាហ្រ្វិកជិត៥០នាក់បានចូលរួម។
លោកវ៉ាងអ៊ីបានថ្លែងថា ទ្វីបអាហ្រ្វិកគឺជាដីគោកដែលប្រមូលផ្តុំទៅដោយប្រទេសកំពុងអភិវឌ្ឍន៍ ការរក្សាសន្តិភាពនិងស្ថិរភាពរបស់ទ្វីបអាហ្រ្វិក ការពន្លឿននិងអភិវឌ្ឍទ្វីបអាហ្រ្វិក គឺជាករណីយកិច្ចរួមរបស់សហគមន៍អន្តរជាតិ។ចិននិងអាហ្រ្វិកជាសហគមន៍វាសនាតែមួយដែលសាមគ្គីគ្នា ហើយក៏ជាសហគមន៍ដែលផ្តល់ផលប្រយោជន៍ដល់គ្នាដើម្បីជំរុញកិច្ចសហប្រតិបត្តិការនិងឈ្នះ–ឈ្នះជាមួយគ្នា។ប្រទេសចិនរីករាយបន្តប្រកាន់ខ្ជាប់គោលនយោបាយនិងទស្សនៈដែលលោកប្រធានរដ្ឋចិនស៊ីជីនភីងបានលើកឡើងនោះក្នុងការគាំទ្រទ្វីបអាហ្រ្វិកលើការអនុវត្តរបៀបវារៈឆ្នាំ២០៦៣និងរបៀបវារៈអំពីការអភិវឌ្ឍជានិរន្តរភាពនៅឆ្នាំ២០៣០ ដើម្បីសម្រេចការអភិវឌ្ឍនិងភាពចម្រុងចម្រើនឡើង៕