ក្នុងអំឡុងពេលអញ្ជើញទៅចូលរួមមហាសន្និបាតអង្គការសហប្រជាជាតិនៅក្រុងញូយ៉កកាលពីថ្ងៃទី២០ខែកញ្ញា លោកវ៉ាងអ៊ីរដ្ឋមន្រ្តីការបរទេសចិនបានជួបពិភាក្សាជាមួយលោកGabrielរដ្ឋមន្រ្តីការបរទេសអាល្លឺម៉ង់ ភាគីទាំងពីរបានផ្លាស់ប្តូរមតិយោបល់គ្នាដោយផ្តោតសំខាន់អំពីស្ថានការណ៍នៅឧបទ្វីបកូរ៉េ។
លោកវ៉ាងអ៊ីបានថ្លែងថា ប្រទេសចិនមានគំនិតផ្តួចផ្តើមជាប់ជានិច្ចក្នុងការដោះស្រាយបញ្ហានុយគ្លេអ៊ែរនៃឧបទ្វីបកូរ៉េដោយសន្តិវិធី សហគមន៍អន្តរជាតិគួរតែបង្កបង្កើតលក្ខខណ្ឌសម្រាប់កិច្ចចរចាសន្តិភាព ប្រទេសចិនលើកទឹកចិត្តឲ្យប្រទេសអាល្លឺម៉ង់ខិតខំប្រឹងប្រែងយ៉ាងសកម្មក្នុងការជំរុញកិច្ចចរចាសន្តិភាពនេះ៕
