ថ្ងៃទី ១៨ ខែកញ្ញា នៅក្រុងញូវយ៉ក លោកវ៉ាងអ៊ី រដ្ឋមន្ត្រីការបរទេសចិនបានជួបសន្ទនាជាមួយលោក Klimkin រដ្ឋមន្ត្រីការបរទសអ៊ុយក្រែនក្នុងអំឡុងពេលអញ្ជើញចូលរួមមហាសនិ្នបាតនៃអង្គការសហប្រជាជាតិ ។
ក្នុងកិច្ចជំនួប លោក វ៉ាងអ៊ី បានថ្លែងថា ប្រទេសអ៊ុយក្រែនគឺជាដៃគូសហប្រតិបតិ្តការជាប្រពៃណីរបស់ប្រទេសចិន ។ ឆ្នាំនេះគឺជាខួបទី២៥ នៃការបង្កើតទំនាក់ទំនងផ្លូវទូតរវាងប្រទេសយើងទាំងពីរ ដូច្នេះទំនាក់ទំនងរវាងប្រទេសទាំងពីរមានមូលដ្ឋានល្អប្រសើររួចហើយ ។ ប្រទេសចិនរីករាយរួមសហការជាមួយប្រទេសអ៊ុយក្រែនធ្វើកិច្ចសហប្រតិបតិ្តការជាក់ស្តែងនិងមានភាពស៊ីជម្រៅដោយឆ្លៀតឱកាសរួមគ្នាកសាងគំនិតផ្តួចផ្តើមខ្សែក្រវាត់មួយនិងផ្លូវមួយ ដើម្បីជំរុញឲ្យទំនាក់ទំនងភាពជាដៃគូយុទ្ធសាស្ត្ររវាងចិននិងអ៊ុយក្រែនអភិវឌ្ឍឆ្ពោះទៅមុខឈរលើមូលដ្ឋានគោរពគ្នាទៅវិញទៅមក ក៏ដូចជាផ្តល់ផលប្រយោជន៍ដល់គ្នាទៅវិញទៅមកនិងស្មើភាព ។ ប្រទេសចិនគាំទ្រភាគីពាក់ព័ន្ធនានាដោះស្រាយវិបតិ្តអ៊ុយក្រែនតាមវិធីនយោបាយនិងតាមរយៈការសន្ទនាលើមូលដ្ឋានកិច្ចព្រមព្រៀងMinsk ផងដែរ ៕