ថ្ងៃទី១៨ខែកញ្ញា ក្នុងអំឡុងពេលមានវត្តមានក្នុងមហាសន្និបាតអង្គការសហប្រជាជាតិនៅក្រុងញូវយ៉ក លោកវ៉ាងអ៊ីរដ្ឋមន្រ្តីការបរទេសចិនបានជួបសំណេះសំណាលជាមួយលោកឡែចេកប្រធានមហាសន្និបាតអង្គការសហប្រជាជាតិលើកទី៧២។
លោកវ៉ាងអ៊ីបានថ្លែងថា ប្រទេសចិនគាំទ្រអង្គការសហប្រជាជាតិក្នុងការដើរតួនាទីក្នុងការគាំពារសន្តិភាពពិភពលោកនិងជំរុញការអភិវឌ្ឍរួមក្នុងឋានៈជាអង្គការអន្តជាតិដែលប្រកបដោយកិត្យានុភាពបំផុត។ មហាសន្និបាតលើកនេះបានចាត់ទុកបញ្ហាអភិវឌ្ឍជាបញ្ហាចម្បង ព្រមទាំងបានធ្វើការជជែកវែកញែកជាទូទៅជុំវិញប្រធានបទផ្តោតសំខាន់ទៅលើកត្តាមនុស្ស ដែលទាំងនេះគឺសមស្របទៅនឹងរបៀបវារៈអភិវឌ្ឍជានិរន្តរភាពឆ្នាំ២០៣០ និងសមស្របទៅនឹងក្តីបំណងរបស់ប្រទេសជាសមាជិក ប្រទេសចិនសូមកោតសរសើរចំពោះកិច្ចការនេះ៕
