ថ្ងៃទី១៨ខែកញ្ញា លោកស៊ី ជីនភីងប្រធានរដ្ឋចិនបាននិយាយទូរស័ព្ឬជាមួយលោកត្រាំប្រធានាធិបតីអាមេរិក។ លោកស៊ី ជីនភីងបានគូសបញ្ជាក់ថា ប្រទេសចិននិងអាមេរិកមានផលប្រយោជន៍រួមយ៉ាងទូលំទូលាយ កិច្ចសហប្រតិបត្តិការនិងការប្រាស្រ័យទាក់ទងលើគ្រប់វិស័យនាពេលបច្ចុប្បន្នក៏មាននិន្នាការល្អប្រសើរផងដែរ។ ភាគីទាំងពីរគួរតែបង្កើនការប្រាស្រ័យទាក់ទងឲ្យបានគ្រប់កម្រិត រៀបចំឲ្យបានល្អនូវកិច្ចសន្ទនាស្តីពីសង្គមនិងមនុស្សសាស្រ្តជុំទី១ កិច្ចសន្ទានាស្តីពីការអនុវត្តច្បាប់និងសន្តិសុខនៃបណ្តាញអ៊ីនធើណែត ព្រមទាំងត្រួសត្រាយកិច្ចសហប្រតិបត្តិការលើគ្រ់បវិស័យ។ ភាគីចិនបានផ្តោតការយកចិត្តទុកដាក់ខ្ពស់ចំពោះដំណើរទស្សនកិច្ចរបស់លោកប្រធានាធិបតីត្រាំនៅប្រទេសចិនក្នុងឆ្នាំ២០១៧នេះ ភាគីទាំងពីរគួរតែសហការគ្នាយ៉ាងស្អិតល្មួត ដើម្បីធានាជាក់លាក់ឲ្យដំណើរទស្សនកិច្ចលើកនេះទទួលបានសមិទ្ធផលផ្លែផ្កានិងរស់រវើកសម្រាប់ការអភិវឌ្ឍទំនាក់ទំនងរវាងប្រទេសទាំងពីរ៕